William of Ockham

William of Ockham
Ankapobeny
Anarana	William of Ockham
Teraka	1 Janoary 1288
Toerana	-
Maty	1 Janoary 1347
Fiaviana sy ny andraikitra
Firenena	Fanjakana Mitambatra
Asa :	filôzôfy
Fiainana manokana

I William of Ockham dia filôzôfy sy mpahay lôjika ary teôlôjiana anglisy, teraka tamin' ny taona 1288 ary maty tamin' ny 9 Avrily 1347, tao amin' ny fikambanana fransiskana, izay azo heverina fa anisan' ny sangany tao amin' ny sekoly skôlastika nôninalista, izay nifanandrina tamin' ny sekoly tômista sy skôtista. Antsoina amin' ny teny frantsay hoe Guillaume d'Ockham na Guillaume d'Occam izy. Ny fampianarany dia nahiahin' ny fahefam-piangonana ho fampianaran-diso (herezia) satria maro amin' ny fotokevitra ampianarin' ny teôlôjia nolovaina hatry ny ela no iverenany tsikeraina ary satria tsikerainy ny fihamboana ho afaka manaporofo ny fisian' Andriamanitra.

Notoheriny koa ny fototra anorenana ny fahefana ara-pôlitikan' ny papa ao amin' ny asa sorany maro momba ny pôlitika, ka niombony hevitra tamin' ny emperora Louis IV de Bavière izay niady tamin' ny papa izany. Hita taratra ao amin' ny filôzôfian' i Ockham ny tandindon' ny siansa môderna sy ny empirisma anglisy ary ny filôzôfia analitika, satria manantitra ny tokony hiaingana amin' ny zava-misy marina azo tsapain-tanana sy amin' ny karazana fanjohian-kevitra ampiasaina ao amin' ny lahateny manaraka ny lalànan' ny saina izy, fa tsy miankina amin' ny anjoanjo metafizika momba ny fiziana.

Jereo koa

• Biôgrafia

Rohy ivelany

• Ao amin' ny Freebase: Archived Febroary 10, 2015 at the Wayback Machine