Vondrona Teza

Ny Firenen' ny Teza sy Fahefan' ny Teza dia fiarahana ara-miaramila eo amin' ny firenena miaraka miady hifanandrina amin' ny Firenena mpiara-dia nandritra ny ady lehibe faharoa. i Benito Mussolini, ny Praiminisitr' Italia Fasista, no nanambara tamin' ny volana oktobra 1936 ny fitsanganan' ny "Teza" iarahan' i Italia amin' i Alemaina izay hampivoatra ny toe-draharaha eorôpeana avy eo. Nanao fifanarahana hafa tamin' i Empiran' i Japàna ihany koa i Alemaina Nazi tamin' izany fotoana izany.

Ireo firenena telo lehibe ireo no nohatevenin' ny firenena madinidinika maro hafa avy eo. Nifarana tamin' ny taona 1945 ny ady ka resy tamin' ireo herim-pahefan' ny Teza ary tapaka ny firaisankinan-dry zareo.

Vondro-kerin' ny Teza Berlin-Rome-Tokyo

Ireo tena goavana tamin'ny Teza no nikarakara ny Vondro-kerin'ny Teza Berlin-Rome-Tokyo izay lasa ôfisialy tamin' ny Dinan' ny Tsy (Pacte d'Acier) sy ny Dinan' ny Telotonta (Tripartite Pact). Ireto avy izy ireo:

Alemaina Nazi, nentin' i Adolf Hitler
Empiran'i Japàna, nentin' i Hirohito
Italia Fasista, nentin' i Benito Mussolini

Samy firenena entina governemanta tsirefesimandidy izy telo ireo, izay noheverina ho fasista.

Firenena hafa

Ireo hafa nanasonia ny Dinan' ny Telotonta

Ankoatra ny firenena lehibe telo, ny firenena madinidinika tao amin' ny firenen' ny Teza:

Fanjakan' i Hôngria (1920-1946), nentin'i Miklós Horthy
Fanjakan' i Bolgaria, nentin'i Tsar Boris III (mandra-pahafatin'i Boris III tamin'ny taona 1943 sy nananganany ady tamin'i Alemina tamin'ny taona 1944)
Fanjakan' i Romania, nentin' i Ion Antonescu (mandra-piongan' i Ion Antonescu sy nanambaràna ny ady tamin' i Alemaina tamin' ny taona 1944)
Fanjakan' i Iogôslavia, nentin' ny Printsy Paul an' i Iogôslavia (mandra-piongan' i Paul sy nanafihana ny Teza)