Vihin-javamaniry
Ny vihin-javamaniry na vihim-boa na vihy, ao amin' ny tsingerim-piainan' ny zavamaniry Spermatophyta, dia rafitra mitahiry sy miaro ny tsimoky ny zavamaniry. Matetika izy io no hita ao anaty voan- izay mamela ny fanaparitahana azy. dia rafitra misy sy miaro ny embryon zavamaniry. Matetika izy io no voarakitra ao anaty voan-javamaniry izay ahafahany miparitaka.
Ny vihy àry dia ahafahan' ny zavamaniry handositra ny toe-javatra ao amin' ny tontolo izay nanjary tsy azo ianana, amin’ ny fanalavirana na amin’ ny fiandrasana ny fiverenan’ ny toe-javatra tsara.
Avy amin' ny fiovan' ny tsirivavy voatsaika izany. Vokatr' izany dia misy ampahany avy amin' ny spôrôfitan' ny reny (fonon' ilay vihy), ny gametôfita (ny tambaselan-tahirin' ny vihy) ary ny spôrôfitan' ny taranaka manaraka, dia ny tsimoka.
Manana andraikitra amin' ny fiarovana ny zavamaniry vaovao izy noho ny fonony matetika mihamafy, ary miantoka ny sakafo noho ny tahirin-javatra mahavelona ao aminy. Ny vihy raha ny marina dia manana toetra manangona tahiry natao ho an' ny fivoarana ho avin' ny tsimoka. Izy ireo àry no loharanon-tsakafo tadiavin' ny biby mpihinana vihy (ahitana vorona, biby mpikiky, sns).
Ny vihy dia lasa anisan' ny sakafon' ny olombelona, ary sakafo fototra ao amin' ny kolontsaina maro, hatramin' ny namoronana ny fambolena: voamadinika, voamaina, sns. Ny vihy voafantina dia atao hoe ambioka na masomboly.