Vavahady

Ny vavahady dia ny fidirana ao amin' ny tanàna na toeram-ponenana misy fefy (tamboho, manda, sns), izany hoe varavarana lehibe kokoa noho ny mahazatra.

Vavahady teo amin'ny Ntaolo malagasy

Ny teny hoe "vavahady" dia avy amn' ny hoe "vava" sy "hady". Tamin' ny fandaminan-tanàna malagasy nentim-paharazana, ny vavahasy dia "rafi-bato na hazo atao fidirana ao amin' ny tanàna na sahan' olona iray", "avan' ny hadivory nanodidina ny vohitra fahiny ka natao fidirana sy fivoahana tao"^[1]^[2].

Ohabolana

Aza manao kabary ambony vavahady.
Mandrara-boanjo am-bavahady.
Ny varavarana anton' ny trano, ny vavahady anton' ny vohitra ary ny kiady anton' ny saha.
Vavahady no soa maro miditra, fantsakana no soa maro maka, fa ny lalam-bady tsy roa maro manana.

Jereo koa

Loharano sy fanamarihana

↑ "Vavahady", tenymalagasy.org
↑ "Toerana roa no azo nanaovana ny vavahady, na eo andrefana kelin' ny zoro firarazana na eo amin' ny zorony atsimo andrefana tahaka ny misy ny varavaramben' ny trano" (Jereo: "Vavahady", tenymalagasy.org).

[1] "Vavahady", tenymalagasy.org

[2] "Toerana roa no azo nanaovana ny vavahady, na eo andrefana kelin' ny zoro firarazana na eo amin' ny zorony atsimo andrefana tahaka ny misy ny varavaramben' ny trano" (Jereo: "Vavahady", tenymalagasy.org).

[1]

[2]