Tsinefo
Ny tsinefo dia karazana zavamaniry mamony, ao amin' ny fianakaviana Rhamnaceae, zana-pianakaviana Ziziphoideae, teratany aty amin' ny Tontolo Tranainy (Afrika sy Azia Andrefana).
Ziziphus spina-christi ny anarany ara-tsiansa. Ny hoe "spina-christi", dia avy amin' ny finoana fa ny satroboninahitra tsilo napetraka teo amin' ny lohan' i Jesoa talohan' ny nanomboana azy tamin' ny hazo fijaliana dia avy amin' io zavamaniry io. Indreto koa ny anarana hafa mety hioantsoana azy amin' ny teny malagasy: lamotifotsy, mokonazy, mosinavosinavo, lamoty.
Hazomadinika na hazo izay manana haavo mety mahatratra 15 m, matetika misy tsilo, ny tsinefo. Mahatanty hain-tany ity zavamaniry ity, tena mahatohitra ny hafanana ary mety maniry any amin' ny tany efitra sy karakaina, afaka mionona amin' ny rotsak' orana 50 mm hatramin' ny 500 mm isan-taona. Mamokatra voany azo hanina izy io.
Marihina fa ny teny hoe tsinefo dia mety hilazana koa ny karazan-javamaniry atao hoe fanindravina (Elaeodendron humbertii).