Tefy
Ny tefy na fanefena dia asa famokarana amolavolana metaly amin' ny alalan' ny fampiasana hery hanomezana endrika manokana azy. Tanterahina amin' ny fampiasana tantanana (matetika amin' ny tantanana mavesatra dia mavesatra mandeha amin' ny angovo mekanika) na amin' ny alalan' ny tantanana lasitra ny fikapohana. Matetika ny tefy dia sokajiana araka ny mari-pana anatanterahna azy: tefy mangatsiaka (tefy manta) sy tefy mafana (tefy masaka).
Ny lanjan' ny zavatra tefena eo anelanelan' ny latsaky ny iray kilao sy ny an-jatony taonina. Efa an' arivony taona no nanaovan' ny olombelona ny fanefena. Ny vokatra mahazatra dia ny kojakoja an-dakozia, ny fitaovana ampiasaina amin' ny tanana, ny fitaovam-piadiana misy lelany, ny kipantsona, ny firavaka ary ny kojakoja vita amin' ny metaly samihafa.
Hatramin' ny Revôlisiôna Indostrialy dia ampiasaina betsaka amin' ny mekanika sy ny milina - na aiza na amin' ny faritra rehetra misy singa mitaky tanjaka ambony - ny kojakoja voatefy. Amin' izao fotoana izao dia indostria lehibe maneran-tany ny tefy.
Kolontsaina
[hanova | hanova ny fango]Ohabolana malagasy
[hanova | hanova ny fango]- Raha misy milaza azy ho amalon-javatra, ny aty kosa fintana tsara tefy.
- Tefy angadin-dRainimanankiarana: ny tsy masaky ny antsoro atao vely manta; ary nony mivarotra, dia ny masak' arina ihany no alaina.
- Tefy lany arina: ataotao any.
- Tefin' olon-tsy mahay, ka tsofa no manamarina azy.
- Tefy vilian-dRaoniraony: ny an' olona no vonjena, fa ny an' ny tena atao tofefi-katoka.