Taolan-karepoka
Ny taolan-karepoka na taola-malemy dia tambatsela mpamatotra, malefaka, indraindray mety mizozotra, hita ao amin' ny biby amin' ny endrika samihafa ao amin' ny tenan' ny biby, anisan' izany ny ao amin' ny vohon' ny tonon-taolana, ny taolan-tehezana, ny sofina, ny orona, ny traotraoka, ary ny kapila anelanelam-banin-taolan-damosina. Ny taolan-karepoka dia fitambarana sela boribory, atao hoe kôndrôsita.