Tantsaha

Zatovovavy manolotra voakazo ho an' ny mpitsidika ny tranony (izba), 1909. Nafahana tamin' ny fomba ôfisialy tamin' ny taona 1861 ireo izay nanompo teo anivon' ny tontolon' ny tantsaha rosiana. Sary nalain' i Sergey Prokudin-Gorsky.

Ny tantsaha dia olona manao asa fambolena na fiompiana any ambanivohitra ary manana fahaizana manokana amin' ny tany iray. Nivoatra mankany amin' ny asa fiveloana ny tantsaha: mpiompy, mpamboly na mpandraharaha ara-pambolena. Mpiasa amin' ny fambolena na fiompiana tsy indostrialy na mpamboly manana tany voafetra, ny tantsaha, indrindra fa izay niaina tamin' ny Andro Antenatenany, tany Eorôpa, tamin' ny vanim-potoana feôdaly ary mandoa hofany, hetra, sarany, na fanompoana amin' ny tompon-tany.