Spermatophyta
Ny Spermatophyta na Spermatophyta (fizarana Spermatophyta, na zana-pizarana Spermatophytina, na kilasin' ny Spermatopsida), antsoina taloha hoe Phanerogamae na Phaenogamae, dia vondron-javamaniry misy lalan-dranon-kazo mamokatra vihy, noho izany ny anaran' ny zavamaniry misy vihy.
Ny fisehoan' ny vihy dia dingana lehibe amin' ny tantaram-pivoaran' ny zavamaniry. Hita ao amin' ny vihy ny singa mitambatra rehetra izay ahafahan' ny briôfita (Bryobiotina) sy Pteridophyta miteraka. Ny singa amin' ny fanaparitahana fotsiny dia tsy ny spôra avy amin' ny spôrôfita intsony, fa ny gametôita mivantana:
- gametôfita lahy tsy matoy amin' ny endrika vovobony;
- gametôfita vavy mitondra tsimoka aorian' ny fitsaihana, gametôfita voarakitra ao amin' ny fonom-bihin' ny megaspôranjy, izay mitambatra ho vihy.
Amin' ny spermaphyta dia misy ireo manana vihy miboridana (tsimoka voahodidin' ny tahirim-bihy (albumen) sy tambatsela mpiaro): ireo dia ny Gymnospermae izay misy fisampanana 4 ankehitriny (Pinophyta, Cycadales, Ginkgo ary Gnetophyta).
Ny hafa koa, izay mamolavola fitsaihana roa sosona mamokatra tambatsela mpamahana fanampiny, sy miaro ny vihy ao anatin' ny fihary izay hamokatra ny voa: ireo no Angiospermae ahitana ny fisampanana Magnoliophyta.
Ireo fanavaozana ireo dia manazava ny fahombiazan' ny evôlisiôna eo amin' ny zavamaniry misy vihy, anisan' izany ny Angiospermae (karazana 370 000) sy ny Gymnospermae (karazana 800) izay nivoatra mba hahatonga ny taranaka isan-karazany indrindra amin' ny zavamaniry misy lalan-dranon-kazo.