Sondergut

Ny Sondergut, amin' ny famakafakana ny Baiboly, dia ny ampahany manokana amin' ny boky tsirairay ao amin' ny Baiboly raha ampitahaina amin' ny boky hafa. Manan-danja lehibe eo amin' ny fandalinana ny Testamenta Vaovao sy eo amin' ny olana sinôptika ity hevitra ity, araka izay ambaran' ny petrakevitry ny loharano roa.

Fampahafantarana

Ny Sondergut, izay midika hoe "lovantsofina manokana", dia ampahan-dahatsoratra ampiasain' ny mpampandry an-tsoratra tokana, izay tsy hita ao amin' ny asasoratry ny mpanoratra hafa. Araka ny petrakevitry ny loharano roa, izay eken' ny ankamaroan' ny mpikaroka ankehitriny, dia saika ny an' ny Filazantsaran' i Matio sy Filazantsaran' i Lioka no nandray saka manontolo ny Filazantsaran' i Marka: amin’ ny fitambarany, andininy 635 amin' ny 661 araka an' i Daniel Marguerat. Vokatr' izany, ny fialohavan' i Marka dia napetraka, miaraka amin' ny fisian' ny "Loharano Q" izay vinavinaim-pisiana ,izay fitambaran' ny Logia an' i Jesoa izay hita taratra ao amin' ny Matio sy ny Lioka.

Na izany aza, ny Filazantsaran' i Matio sy ny Filazantsaran' i Lioka dia samy manana ny ampahan-dahatroratra azy manokana avy: ny Sondergut-n' ny Evanjelin' i Matio, antsoina hoe Smt, ary ny Sondergut-n' ny Evanjelin' i Lioka, antsoina hoe Slc. Ankoatra ny findramana avy amin' ny Marka sy avy amin' ny Loharano Q, ireo evanjelistra roa ireo raha ny marina dia nampiasa, tsy miankina, lahatsorata hafa manokana, izay ahitana logia sy fitantarana, izay mamorona ny Sondergut an' ny tsirairay avy.

Ny adihevitra ankehitriny dia mahakasika ny tsipika mampisaraka ny Smt sy ny Slc amin' ny lafiny iray, ary ny Loharano Q amin' ny lafiny iray hafa.

Ny Sondergut-n' ny evanjely tsirairay

Sondergut-n' ny Evanjelin' i Marka

Ny Sondergut-n' ny Evanjelin' i Marka dia tsy ahitana afa-tsy andininy 26 (amin' ny fitambarana 661) araka ny voalazan' i Daniel Marguerat, anisan' izany:

Marka 2:27
Marka 3:20-21
Marka 4:26-29: ny Mpamafy
Marka 7:31–37: Fanasitranana ilay moana-marenina tao Dekapôlisy
Marka 8:22–26: ilay lehilahy jamba tao Betsaida
Marka 9:48-49
Marka 14:51-52: ilay zatovolahy miboridana
Marka 15:44

Sondergut-n' ny Evanjelin' i Matio

Ny Sondergut-n' ny Evanjelin' i Matio dia ahitana andininy 310 (amin' ny totaly 1068) araka ny voalazan' i Daniel Marguerat: indrindra ny Filazantsaran' ny Fahazazana (1-2), logia isan-karazany anisan' izany ny Toriteny teo an-tendrombohitra (5, 6, 7), sy ny Fanirahana ary ny lahateny manohitra ny Fariseo, fanoharana maromaro ary farany ny tantaran' ny Fijalian' i Kristy. Tanisaina manokana ireto:

Matio 1:1–17: ny Tetiaran' i Jesoa (midina)
Matio 2:1–23: ny Magy (2:1–12), ny Fandosirana tany Egipta (2:13–15), ny Fandringanana ny zaza tsy manan-tsiny (2:16-18) ary ny Fiverenana avy any Egipta arakarahin' ny fiorenam-ponenana tao Nazareta (2:19-23)
Matio 5:33–37
Matio 6:1–6
Matio 6:16–18
Matio 10:34

Matio 13:24–30: ny fanoharana ny amin' ny voan-tsimparifary
Matio 13:36–52: ny fanoharana ny amin' ny harato tarihina (13:47-50)
Matio 16:18-19: ny maha lohalaharana an' i Petera
Matio 17:24–27
Matio 18:15–35: ahitana indrindra ny fanoharana momba ilay mpanompo tsy miantra (18:23-35)
Matio 20:1–16: ny fanoharana momba ny mpiasa tonga tamin' ny ora faha iraika ambin' ny folo
Matio 21:31–35
Matio 25:1–13: ny fanoharana momba ny Virjiny folo
Matio 25:31–46: ny Fitsarana farany
Matio 27:24-25: ny ozon' ny ra
Matio 27:62–66
Matio 28:11–20: ny famitahan' ny lohandohan' ny Jiosy ny Fanirahana Lehibe izay mamarana ity Filazantsaa ity.

Sondergut-n' ny Evanjelin' i Lioka

Ny Sondergut-n' ny Evanjelin' i Lioka dia ahitana andininy 550 (na 45 % amin' ny fitambarany 1 149) araka ny voalazan' i Daniel Marguerat, anisan' izany ny Filazantsaran' ny fahazazana, ny Tetiaran' i Jesoa, ny toriteny fanokafana tany Nazareta, fanoharana samihafa (ilay Samaritana tsara fanahy, ilay Sakaiza manelingelina, ilay Mpanankarena, ilay Aviavy tsy namoa, ilay Drakma very, ilay Zanaka adala, ny fanoharana momba ilay Mpanankarena sy i Lazarôsy, ny fanoharana momba ny Fariseo sy ny Mpamory hetra), fitantarana fahagagana, ny sombiny amin' ny Fijalian' i Kristy ary ny fitantarana ny Paska. Anisan' izany, ankoatra ny hafa, ireto lahatsoratra manaraka ireto:

Lioka 1:5–25: fanambaràna ny hahaterahan' i Joany Batista
Lioka 1:26-38: fanambaràna tamin' i Maria
Lioka 1:39–79: ny famangian' i Maria Virjiny (1:39–45), ny Hiran' i Maria (1:46–56), ny fahaterahan' i Joany Batista sy ny famorana azy (1:57–66), ny Hiran' i Zakaria (1:67–79)
Lioka 2:1–52: ny fahaterahan' i Jesoa sy ny famangian' ny mpiandry ondry (2:1–20), ny famorana an' i Jesoa (2:21), ny fitondrana an' i Jesoa tao amin' ny Tempoly (2:22–28), ny Hiran' i Simeôna (2:29–32), ny faminanian' i Simeôna (2:33–35), ny faminanian' i Ana (2:36–38), ny fiainana miafin' i Jesoa tao Nazareta (2:39–40), i Jesoa teo anivon' ny mpanora-dalàna (2:41–50) ary tohin' ny fiainana miafin' i Jesoa tao Nazareta (2:51–52)
Lioka 3:23-38: ny tetiaran' i Jesoa (miakatra)
Lioka 6:17-49: ny Lahateny tao an-dohasaha
Lioka 7:11-17: ny fananganana amin' ny maty ny zanaka lahin' ilay vehivavy mpitondra tena tao Naina
Lioka 7:34–50: ilay vehivavy mpanota voavela heloka sy ny mpitrosa roa lahy (7:41-43)
Lioka 8:1–2
Lioka 10:25–37: ilay Samaritana tsara fanahy sy ny Fitsipika volamena
Lioka 11:5–8: ilay Sakaiza manelingelina
Lioka 12:16-21: ilay Mpanankarena
Lioka 13:6-9: ilay Aviavy tsy namoa
Lioka 15:1–32: ny Drakma very (15:8-10) sy ilay Zanaka mpandany (15:11-32)
Lioka 16:1-8: ilay mpitandrim-pananana tsy mahatoky
Lioka 16:19-30: ny fanoharazna ny amin' ilay Mpanankarena sy i Lazarôsy
Lioka 17:11–19: ny fanasitranana ny boka folo
Lioka 18:9-14: ny fanoharana momba ny Fariseo sy ny Mpamory hetra
Lioka 19:1–10: i Zakaiôsy
Lioka 23:39–43: ny jiolahy roa tsara sy ratsy
Lioka 24:13–35: ny mpivahiny masina avy any Emaosy

Sondergut-n' ny Evanjelin' i Joany

Inty kosa ny Sondergut-n' ny Evanjelin' i Joany:

Joany 2:1-11: Fampakaram-bady tao Kanà
Joany 3, 7 et 19: i Nikôdemôsy
Joany 4:1-30: i Jesoa sy ilay vehivavy samaritana
Joany 11:1-44: Fananganana an' i Lazarôsy amin' ny maty
Joany 13:1-20: Fanasan-tongotra
Joany 20:17: Noli me tangere ("Aza mikasika Ahy")
Joany 20:24-29: ny tsy finoan' i Tômasy