Solanum americanum
.jpg)
Ny Solanum americanum dia karazan-javamaniry ahitra misy voniny sy ravina mivelatra. Misy amin' izy ireo ny avy any Amerika, any Melanezia, any Ginea Vaovao ary any Aostralia. Maro ny anarany ara-tsiansa ka anisan' izany ny hoe Solanum nodiflorum. Indreto ny anarany hafa amin' ny teny malagasy: anamamy, anantsatria, anantsindrana, avaizo, bemine ary mailo. Ny Solanum americanum anefa no be mpahafantatra amin' ny anarana hoe "anamamy".
.jpg)
Nentina novolena any amin' ny ankamaroan' ny faritra trôpikaly ity zavamaniry ity: faritr' i Pasifika sy faritry ny Ranomasimbe Indiana (Hawaii, Indôsina, Madagasikara ary Afrika), mety tamin' ny alalan' ny fitondran' ny olona nifindra monina any amin' ireo toerana ireo. Anisan' ny karazan-javamaniry miparitaka be indrindra sy miovaova ara-endrika ao amin' ny fizarana Solanum ny Solanum americanum.