Sederan' i Libàna
(tonga teto avy amin'ny Sedera Libàna)
Ny sederan' i Libàna (Cedrus libanii) dia karazana hazo ao amin' ny fianakaviana kesika, teratany any amin' ny tendrombohitry ny faritra atsinanan' i Mediteraneana. Izy io dia kônifera lehibe maitso lalandava izay manana heviny ara-pivavahana sy ara-tantara amin' ny kolontsaina any Afovoany Atsinanana, ary voaresaka imbetsaka ao amin' ny literatioran' ny sivilizasiôna fahiny. Izy io no marika nasiônalin' i Libanona ary ampiasaina betsaka ho hazo haingo amin' ny zaridaina.