Randriamarolaza Louis Paul

Randriamarolaza Louis-Paul dia mpahay teny, mpampianatra, mpikaroka, akademisiana ary mpanao pôlitika malagasy. Talelen' ny "Science du Conflit et de la Paix" ao amin' ny Oniversiten' Antananarivo izy^[1].

Fikarohana

Ny fiteny sy ny haisoratra malagasy, ny antrôpôlôjia sôsialy sy kolontsaina ary ny tantaran' i Madagasikara no sehatra iompanan' ny fikarohana ataony. Amin' ny maha mpikaroka azy dia nandray anjara tamin' ny fanadihadiana momba ny fiorenem-ponenan' ny olombelona teto Madagasikara izy, indrindra fa tamin' ny alalan' ny fiaraha-manoratra tamin' ny taona 2009 momba ny fandraisana anjaran' ny taranaka mpanjaka iray amin' ny fahalalana momba ny fiorenem-ponenan' ny olombelona teto amin' ny Nosy^[2].

Nandray anjara tamin' ny fanadihadiana nivoaka tamin' ny taona 2010 ihany koa izy nanadihady ny filaharan' ny ADN mitôkôndrialy, izay nanome fomba fijery vaovao momba ny toetra pôlineziana sy ny fiorenem-ponenan' ny olombelona eto Madagasikara^[3].

Indreto ny boky malaza nosoratany:

Randriamarolaza, Louis Paul. (1998). Monolinguisme et bilinguisme à Madagascar des intégrismes linguistiques à l'intégration culturelle.

Randriamarolaza, Louis Paul. (1994). Femme, parente et culture en Imerina : l'approche norvégienne du développement à travers le projet MAG 003.

Pôlitika

Eo amin' ny lafiny pôlitika dia filoha nasiônalin' ny antoko Grad Iloafo i Randriamarolaza Louis-Paul. Tamin' ny volana Desambra 2018 dia niantso ny kandidà ho filoham-pirenena izy mba haneho fahendrena sy hitady marimaritra iraisana hanasoavana ny firenena^[4].

Loharano sy fanamarihana

↑ "Conférence 'Médiatio et culture' ", www.camm.mg
↑ "Ce que des descendants d’une lignée royale nous apportent sur les connaissances du peuplement humain de Madagascar.", shs.hal.science
↑ "Complete mitochondrial DNA sequences provide new insights into the Polynesian motif and the peopling of Madagascar", pubmed.ncbi.nlm.nih.gov
↑ "Randriamarolaza Louis-Paul Tokony hampiseho fahendrena ireo kandida mianaka", www.tiatanindrazana.mg

[1] "Conférence 'Médiatio et culture' ", www.camm.mg

[2] "Ce que des descendants d’une lignée royale nous apportent sur les connaissances du peuplement humain de Madagascar.", shs.hal.science

[3] "Complete mitochondrial DNA sequences provide new insights into the Polynesian motif and the peopling of Madagascar", pubmed.ncbi.nlm.nih.gov

[4] "Randriamarolaza Louis-Paul Tokony hampiseho fahendrena ireo kandida mianaka", www.tiatanindrazana.mg

[1]

[2]

[3]

[4]