Ptolemaiosy VII

Avy amin'i Wikipedia
Sauter à la navigation Sauter à la recherche
Vola misy ny sarin'i Ptolemaiosy VII

I Ptolemaiosy VII na Ptolemaiosy VII Eopatora na Ptolemaiosy VII Neosy Filopatora dia faraonan'i Egipta avy amin'ny fianakaviana lagida. izay nanjaka tamin'ny volana Jolay 145 tal. J.K. hatramin'ny taona 144 tal. J.K. Tamin'ny faha-13 taonany dia nifampizara ny fitondrana tamin-drainy izy ary lasa nandova ny fanjakana rehefa maty rainy tamin'ny taona 145 tal. J.K. Noho izany dia ny reniny no nisahana vonjimaika ny fanapahana ny fanjakana mandra-pahatanterahan'ny fanambadiany amin'i Ptolemaiosy VIII Evergetesy II Trifona rahalahin-drainy sady mpanjakan'i Kirena any Kirenaika. Te haka ny fiandrian'i Egipta i Ptolemaiosy VIII ka nampamono an'i Ptolemaiosy VII tamin'io taona io ihany. Ny mpahay tantara sasany dia mihevitra fa tsy azo lazaina ho tena nanjaka tokoa i Ptolemaiosy VII ka tsy tokony homena ilay anaram-boninahitra mitondra an'io laharana io. Izany no mety hahitana ny soratra hoe "Ptolemaiosy VII Evergetesy II Trifona" (misy ny laharana faha-VII fa tsy ny faha-VIII).

Zanaka lahy faharoan'i Ptolemaiosy VI Filometora tamin'i Kleopatra II Filometora Soteira izy. Amin'ny teny grika dia atao hoe Πτολεμαῖος Νέος Φιλοπάτωρ / Ptolemaĩos Néos Philopátōr izy, ka ny hoe Néos Philopátōr dia midika hoe "vaovao tian-drainy". Tsy tokony hafangaro amin'i Ptolemaiosy Eopatora rahalahiny i Ptolemaiosy VII Eopatora.

Jereo koa[hanova | hanova ny fango]

Ireo mpanjaka lagida nifandimby[hanova | hanova ny fango]

Ptolemaiosy I - Ptolemaiosy II - Ptolemaiosy III - Ptolemaiosy IV - Ptolemaiosy V - Ptolemaiosy VI - Ptolemaiosy VII - Ptolemaiosy VIII - Ptolemaiosy IX - Ptolemaiosy X - Ptolemaiosy XI - Ptolemaiosy XII - Berenike IV - Kleopatra VII - Arsinoe IV - Ptolemaiosy XIII - Ptolemaiosy XIV - Ptolemaiosy XV.