Ptôlemaiôsy I

Avy amin'i Wikipedia
(tonga teto avy amin'ny Ptolemaiosy I)
Aller à la navigation Aller à la recherche
Ptôlemaiôsy I Sôtera
Ptolemy I Soter Louvre Ma849.jpg
Momba ny olona
Anarana: Ptôlemaiôsy I Sôtera
Anarana hafa:
Teraka: 367 tal. J.K.
Maty: 283 tal. J.K.
Toeram-piaviana sy ny andraikitra
Firenena:
Karazana:
Asa :
Asa hafa:
Taona niasana:
Momba fiainana manokana
Seha-pitiavana:
Tranokala:
Momba ny olona

I Ptôlemaiôsy I, izay atao hoe Ptôlemaiôsy I Sôtera, dia jeneraly makedônianan' i Aleksandra Lehibe sady iray amin' ireo zanaka afaka mandimby ny mpanjaka (atao hoe διάδοχος / diádokhos amin' ny teny grika). Voantendry ho satrapa (solontenam-panjakana) tany Egipta izy tamin' ny fizaràna ny empiran' i Aleksandra tamin' ny taona 323 tal. J.K., nandray anjara tamin' ny ady ara-tafika nifanaovan' ireo diadoka izy ka nifanandrina tamin' i Antigônôsy Mônôftalmôsy sy tamin' ny zananilahy Demetriôsy Pôpliôrtketôsy.

Ny fiainany manokana[hanova | hanova ny fango]

Teraka tamin' ny taona 368 tal. J.K. ary maty tamin' ny taona 283 tal. J.K. izy. Amin' ny teny grika dia atao hoe Πτολεμαῖος / Ptolemaios ny anarany. Ny hoe Soter dia mlidika hoe "mpamonjy".

I Lagôsy no rainy. Ny vadiny dia i Artakama, i Taisy, i Eoridike any Egipta, i Berenike I any Egipta. Ny zanany dia i Ptôlemaiôsy II Filadelfôsy, i Arsinôe II, i Ptôlemaiôsy Keraônôsy, i Meleagera, i Lisandra ary i Ptôlemaisy.

Tantarany[hanova | hanova ny fango]

Izy no mpanorina ny dinastia ptôlemaîka, izay atao hoe dinastia lagida (na lazida) koa araka ny anaran' i Lagôsy rainy izay nanjaka tany Egipta hatramin' ny taona 30 tal. J.K. niafaran' izany fanjakana izany. Nanandratra ny tenany ho mpanjaka (grika: Βασιλεύς / Basileús) izy fa tsy farao tamin' ny taona 305 tal. J.K. ary i Ptôlemaiôsy II zanany lahy mpandimby azy no nahazo ny anaram-boninahitra hoe "mpisorona egiptiana".

Nanao izay hifehezany ny faritry ny ranomasina sy ny manodidina izy ka nanitatra ny fanjakazakany tamin' ny faritra amoron-dranomasina any Azia Minora sy tamin' ireo nosy ao amin' ny Ranomasina Egea sy ny Ranomasina Mediteranea atsinanana, ka isan' izany i Kiprosy. Tsy nahomby ny fanorenany ny fanjakazakany tao Grisia an-tanibe sy tao Kôile-Siria (grika: κοίλη Συρία / Koilê Suria). Mpanjaka tia manorin-javatra izy sady mpahay tetikady ary sakaizan' ny literatiora, ka izy no heverin' ny mpahay tantara ankehitriny ho mpanjaka lehibe nalaza indrindra tamin' ny vanimpotoana helenistika.

Jereo koa[hanova | hanova ny fango]

Rohy ivelany[hanova | hanova ny fango]

  • Ao amin'i Freebase: [1]
Nuvola apps ksig.png
Mbola ambangovangony ity lahatsoratra ity ary tokony hofenoina.

Azonao atao ny mandray anjara eto amin'ny Wikipedia amin'ny alàlan'ny fanitarana azy.
Jereo koa ny pejy Ahoana ny manao takelaka rehefa te-hijery hoe ahoana no fanaovana azy.