Projet de mise en valeur du haut bassin du Mandrare
Ny Projet de mise en valeur du haut bassin du Mandrare (na PHBM) dia tetikasa lehibe fampandrosoana ny fambolena tao amin' ny faritra Mandrare Ambony ao amin' ny Faritra Anosy, nanomboka tamin' ny taona 1996 ka hatramin' ny 2008, notohanan' ny Tahirim-Bola Iraisam-Pirenena ho an' ny Fampandrosoana ny Fambolena (na Fonds international de développement agricole -- FIDA) sy ny fanjakana malagasy ary ny United Nations Office for Project Services (UNOPS) (na Bureau des Nations unies pour les services d'appui aux projets, izay mikendry ny hanova tanteraka ny fambolena any amin' ny faritra atsimo atsinanana amin' i Madagasikara. Ohatra miavaka sy maharitra amin' ny fidirana an-tsehatra mitambatra ny PHBM (fambolena, fotodrafitrasa, famatsiam-bola fikambanana, fitantanana ifotony), izay nahitana tombony azo refesina ho an' ny mponina ambanivohitra[1][2][3][4].
Fahaterahany
[hanova | hanova ny fango]Taorian' ny fahasahiranana ara-tsakafo lehibe tamin' ny taona 1991 tany amin' ny faritra atsimo amin' i Madagasikara, dia natomboka tamin' ny taona 1996 ny tetikasa PHBM mba hiatrehana ny haintany sy ny faharefoana ara-tsakafo[1][4][5][6][7]. Tanjona tamin' izany ny hampandrosoana sy hanarenana ny faritra tondrahan' ny ony Mandrare mba hampitomboana ny voka-bary, hanatsarana ny fanjarian-tsakafo, hampiroboroboana ny fidiram-bola, hiadiana amin' ny fahantrana eny ambanivohitra ary hamerenana amin' ny laoniny ny harena voajanahary[1][2][3][5][8][9].
Ny dingana roa
[hanova | hanova ny fango]Ny PHBM I
[hanova | hanova ny fango]Naharakotra kaominina efatra (Tsivory, Elonty, Mahaly, Marotsiraka) ny dingana voalohany (PHBM I: taona 1996–2000) ary mponina manodidina ny 40 000 eo ho eo no nahazo tombontsoa. Izany dia nahitana fampindramam-bola avy amin' ny Tahirim-Bola Iraisam-Pirenena ho an' ny Fampandrosoana ny Fambolena (IFAD na FIDA) eo amin' ny 6,9 tapitrisa dôlara amerikana[3][5][7][6].
Ny PHBM II
[hanova | hanova ny fango]Ny dingana faharoa (PHBM II: taona 2001–2008) dia niitatra hatrany amin' ny kaominina 11 (hatrany Imanombo, Esira, sns.), ho an' ny olona efa ho 96 000 (tokatrano miisa 17 400). Manodidina ny 30 tapitrisa dôlara (12,6 tapitrisa dôlara avy amin' ny fampindramam-bolan' ny IFAD sy 5,2 tapitrisa dôlara avy amin' ny governemanta malagasy ary fandraisana anjara fanampiny avy amin' ny mpahazo tombontsoa sy mpiara-miombona antoka)[2][3][4][5][6][7][8][9][10].
Fampandrosoana eny ifotony
[hanova | hanova ny fango]Nisy ny fampidirana ny "système de riziculture améliorée" (SRA), izany hoe fambolem-bary nohatsaraina. Izany dia nahitana masomboly nohatsaraina, ketsa toratady, fitantanana voakaly ny rano, fampiasana zezika ôrganika, ary fomba mahomby amin' ny fiavana ahidratsy[2]. Nisy koa ny fizarana fitaovam-pambolena (traktera kely, angadinomby, ragiragy na lahersa, milina fivelesam-bary), nisy ny toeram-pifanakalozana sy fanoloran-kevitra (sekoly eny an-kianja, fampisehoana fomba fiasa, fanofanana), ny fanaraha-maso sy fanoroana ny fikambanan' ny mpampiasa rano[2]. Nisy ny fanohanana ny voly hafa toy ny tongolo gasy sy ny tongolobe ary ny sakay amin' ny alalan' ny tetikasa madinika, ahitana mpikambana 3 348, ny famatsiam-bola ho an' ny tetikasa madinika miisa 220 ahitana vondrona tantsaha mpamboly vary[2][9].
Fotodrafitrasa sy servisy
[hanova | hanova ny fango]Nisy ny fanamboarana sy fanarenana lalana mirefy 200 km mahery, izay nanala amin' ny ampahany ny fitokana-monin' ilay faritra[5]. Natsangana ny fitahirizam-bola sy fampindramam-bola ifanampiana (FIVOY) izay natao hamatsy vola ny asa fambolena nanomboka amin' ny taona 2005, notohanan' ny Internationale du crédit agricole et rural (ICAR) sy ny Institution financière régionale de l'Anosy (IFRA)[3]. Natomboka ny tetikasa andrana ampiarahana ny asa fambolena hazo sy fambolena zavamaniry fihinana ary fiompiana, ny fiarovana ny nofon-tany, ny fanabeazana momba ny tontolo iainana, ary ny fitantanana maharitra ny harena anaty ala[7].
Vokatra sy lesona
[hanova | hanova ny fango]Ny tetikasa PHBM dia nampihena ny fahantrana any ambanivohitra, nanatsara ny fanjarian-tsakafo, nahatonga ny fidiram-bola ho isan-karazany ary nanamafy ny fahaiza-manao eny ifotony tamin' ny alalan' ny fikambanan' ny tantsaha[3][5][9]. Ity tetikasa ity koa dia nanampy tamin' ny famerenana amin' ny laoniny ny maha sompitra ara-tsakafo ny faritra Anosy[2][3][6][7]. Olana mbola tavela ny fitokana-monina, ny tsy fisian' ny fikojakojana maharitra ny fotodrafitrasa, ary ny tolotra ho an' ny daholobe sy ny sampan-draharaha sôsialy mbola marefo[8].
Jereo koa
[hanova | hanova ny fango]Loharano sy fanamarihana
[hanova | hanova ny fango]- 1 2 3 "Etude de cas # 14 : MILAN EXPO 2015 : l’Impératif des Projets de Développement Performants : leçons du Projet Mandraré à Madagascar", idealdev.org
- 1 2 3 4 5 6 7 "La riziculture dans le Haut bassin du Mandrare", cdn.thierrybenoit.com
- 1 2 3 4 5 6 7 "Mutuelle du Mandrare = Caisses FIVOY ="Fitehirizana Vola Ifampisamborana"", clemenceetastrid-a-madagascar.over-blog.com
- 1 2 3 "Irriguer pour mieux cultiver : la réussite du Haut Bassin du Mandrare. L’expérience de 12 années d’intervention du PHBM (1996-2008)", www.ifad.org
- 1 2 3 4 5 6 "Republic of Madagascar: Upper Mandraré Basin Development Project – phase 2", ioe.ifad.org
- 1 2 3 4 "Aperçu général du Projet de mise en valeur du Haut Bassin du Mandrare", www.chatpfe.com
- 1 2 3 4 5 "Project de Mise en Valeur du Haut Bassin du Mandrare (2000)", ioe.ifad.org
- 1 2 3 "Le développement dans le Grand Sud malgache, Quelques enseignements de 30 ans de projets de développement", www.researchgate.net
- 1 2 3 4 "Imprégnation technique auprès du CTHA", www.chatpfe.com
- ↑ "Projet de mise en valeur du Haut Bassin du Mandrare II", cdn.thierrybenoit.com