Pierre Laval
Pierre-Étienne Laval (teraka ny 28 Jona 1883, tao Châteldon, departemantan'i Puy-de-Dôme; maty ny 15 Oktobra 1945, tao amin'ny fonjan'i Fresnes, departemantan'i Val-de-Marne) dia mpanao politika frantsay nandritra ny Repoblika Fahatelo sy ny fitondrana Vichy.
Tany am-piandohan'ny asany ara-politika, sosialista i Laval. Nandritra ny taona 1920 sy 1930, dia nitana toerana isan-karazany tao amin'ny governemanta izy ary indroa no niasa ho Praiminisitra any 
Frantsa, nitarika ny governemanta afovoany-ankavanana (1931–32 sy 1935–36).
Taorian'ny faharesen'i Frantsa tamin'ny Ady Lehibe Faharoa, dia nitana anjara toerana lehibe tamin'ny fananganana ny État français (fitondrana Vichy) i Laval. Tsy tahaka ny Filoha Philippe Pétain, i Laval dia nanohana ny fiaraha-miasa feno tamin'i Reich fahatelo.
Nanomboka tamin'ny taona 1942, dia nesoriny tamin'ny fahefany feno teo amin'ny maha-lohan'ny fanjakana azy i Pétain ary nanamafy ny fiaraha-miasa frantsay tamin'ireo manampahefana alemà. Taorian'ny Ady Lehibe Faharoa, dia nomelohina ho faty i Laval ary novonoina ho faty.