Physena
Ny Physena dia hany vondron-karazan-javamaniry mamony ao amin' ny fianakavian-javamaniry Physenaceae, ao amin' ny filaharana Caryophyllales. Ahitana karazana kirihitra na hazobotry roa tsy fahita firy afa-tsy eto Madagasikara.
Indeto ny karazana ao amin' ny Physena:
- ny Physena madagascariensis Thouars ex Tul.: hita ao amin’ ny faritanin’ Antananarivo, Antsiranana, Fianarantsoa, Mahajanga, Toamasina, ary Toliara no misy azy. Maniry any anaty ala amin' ny haambo 0 ka hatramin' ny 2 000 m izy io.
- ny Physena sessiliflora Tul.: faritanin' Antsiranana sy Mahajanga ary Toliara no misy azy. Maniry eny amin' ny kirihitra sy ala amin' ny haambo 0 ka hatramin' ny 500 m izy io.