Otrikaina mineraly

Ny otrikaina mineraly dia singa simika tena ilain' ny zavamananaina mba hahatonga ny tenany, izay tsy afaka mamokatra azy ireo samirery, hiasa tsara. Noho izany dia tsy maintsy alaina avy amin' ny sakafo izy ireo. Mizara ho sokajy roa lehibe ny otrikaina mineraly arakaraka ny filan' ny vatana: ny otrikaina mineraly ilaina betsaka sy ny otrikaina mineraly ilaina amin' ny fatra kely dia kely.

Fanasokajiana ny otrikaina mineraly

Mizara ho sokajy roa lehibe ny otrikaina mineraly arakaraka ny filan' ny vatana: ny otrikaina mineraly ilaina betsaka (filàna mihoatra ny 100 mg isan' andro) sy ny otrikaina mineraly ilaina amin' ny fatra kely dia kely (filana eo amin' ny miligrama na mikrôgrama vitsivitsy).

Otrikaina mineraly ilaina betsaka

Inty ny lisitry ny iôna mineraly lehibe, nalahatra araka ny abidy:

amôniôma (NH₄⁺);
kalsiôma (Ca)²⁺ ;
maneziôma (Mg²⁺);
fôsfôro amin' ny endrika fôsfaty (PO₄^3- ) sy ny singa hafa avy aminy;
pôtasiôma (K⁺);
sôdiôma (Na⁺);
solifara amin' ny endrika solfata (SO₄^2- ) sy ny singa hafa avy aminy;

Otrikaina mineraly ilaina amin' ny fatra bitika

Inty ny lisitry ny otrikaina mineraly ilaina amin' ny fatra bitika, nalahatra araka ny abidy:

arsenika (As);
bôra (B);
brôma (Br^-);
klôro (Cl^-);
krôma (Cr);
kôbalta (Co) ao amin' ny kôbalaminina;
varahina (Cu²⁺);
vy (Fe^{2+ ou 3+}) ;
fliôro (F^-);
iôda (I^-);
manganezy (Mn);
môlibdena (Mo);
nikela (Ni);
seleniôma (Se);
vanadiôma (V);
fanitso (Zn²⁺).

Fampiasana ny otrikaina mineraly

Otrikaina mineraly ilaina betsaka

Ireto ny otrikaina mineraly hita betsaka ao amin' ny vatana, izay manana anjara asa ara-drafitra ao amin' ny vatana sady mitazona ny fifandanjan' ny ranon-javatra ao anatiny.

Amôniôma (NH₄⁺):

Kalsiôma (Ca): Tena ilaina amin' ny tanjaky ny taolana sy ny nify, ny fihenjanan' ny hozatra ary ny fandrin' ny ra.
Maneziôma (Mg): Mandray anjara amin' ny fiota biôsimika maherin' ny 300, indrindra fa ny famokarana angovo sy ny fampitoniana ny hozatra.
Pôtasiôma (K): Tena ilaina amin' ny fiasan' ny fo, ny fampitana hafatra amin' ny alalan' ny fitatitra, ary ny fandrindrana ny tosi-dra.
Sôdiôma na natiriôma (Na): Mandrindra ny fifandanjan' ny rano ao amin' ny vatana sy ny tosi-dra (hita ao amin' ny sira fampiasa andavanandro).
Fôsfôro (P): Miara-miasa amin' ny kalsiôma ho an' ny fahasalaman' ny taolana sady singa fototra ao amin' ny sela ihany koa (ADN, ATP).
Solifara (SO₄^2- ):

Otrikaina mineraly ilaina amin' ny fatra bitika

Na dia hita amin' ny fatra bitika aza izy ireo dia tena ilaina tokoa, ary matetika no miasa toy ny "bokotra" mamela ny anzima hiasa.

Vy (Fe): Singa fototra ao amin' ny hemôglôbinina; mitondra ôksizenina ao anatin' ny ra izy io.
Fanitso (Zn): Manentana ny hery fiarovana ao amin' ny vatana ary mandray anjara amin' ny fanasitranana ratra sy ny famokarana prôteinina.
Iôda (I): Tena ilaina amin' ny famokarana ny hôrmônina isan-karazany ao amin' ny tirôida, izay mandrindra ny fizotran' ny angovo sy ny asa samihafa ao amin' ny vatana (metabôlisma).
Seleniôma (Se): Akora antiôksida mahery vaika miaro ny sela amin' ny fahanterana aloha loatra.
Varahina (Cu): Manampy amin' ny famoronana ny sela mena ao amin' ny ra sy amin' ny fitazonana ny fahasalaman' ny hery fiarovana.

Voka-dratsin' ny fatra tsy antonona

Mila fifandanjana hentitra momba ny tahan' ny otrikaina mineraly ny vatan' ny olombelona. Miteraka kotsatra na anemia (havizanana tafahoatra) ny tsy fahampian' ny vy ao amin' ny tenan' ny olombelona. Mitarika ho amin' ny fahalemen' ny taolana (izay lasa mora tapaka na mora vaky) ny tsy fahampian' ny kalsiôma. Mampitombo ny mety hisian' ny tosi-dra ambony ny fihinanana sira (sôdiôma) tafahoatra. Mety hanimba ny aty ny habetsahan' ny vy tafahoatra.

Jereo koa

Otrikaina