Ôrdinasiôn' ny olona manambady ny mitovy fananahana aminy
Ny ôrdinasiônan' ny mpitondra fivavahana manambady ny mitovy fananahana aminy dia fanao iadian-kevitra ao anatin' ny antokom-pinoana kristianina sasany ankehitriny.
Mandrara ny fanokanana ny mpitondra fivavahana LGBT manao firaisana ara-nofo ny ankamaroan' ny antokom-pinoana kristiana satria mihevitra ny fitiavana ara-nofon' ny mitovy fananahana ho tsy mifanaraka amin' ny fotopampianaran' ny Baiboly izy ireo ary tsy mamela ireo sokajin' olona ireo hatao ôrdinasiôna noho izany antony izany ihany. Mihamaro anefa ny fiangonana mamela malalaka ny mpitondra fivavahana LGBT hatao ôrdinasiôna.
Ny Metropolitan Community Church (niforona tany Etazonia, kôngregasiônalista sady prôtestanta nohavaozina), fiangonana betsaka LGBT indrindra, dia nanokana ireo mpirotsaka ho mpitadrina LGBT ho amin' ny asa fanompoana hatramin' ny nananganana azy tamin' ny taona 1968. Tamin' ny taona 1972, ny United Church of Christ (nifirona tany Etazonia, manambatra ny fanao kôngregasiônalista, kalvinista, loterana ary anabaptista) no lasa antokom-pivavahana prôtestanta lehibe voalohany ao Etazonia nanokana mpitondra fivavahana pelaka ampahibemaso. Ny fiangonana hafa manaiky ny mpitondra fivavahana LGBT dia ireto:
- ny Evangelical Lutheran Church in America (any Etazonia, loterana);
- ny Presbyterian Church (USA) (any Etazonia, presibiteriana);
- ny Episcopal Church in the United States (any Etazonia, anglikana);
- ny Christian Church (Disciples of Christ) (any Etazonia sy Kanadà, restaorasiônista),
- ny Scots Kirk (amin' ny teny anglisy: Church of Scotland; any Ekôsy, kalvinista);
- ny Church of England ("Fiangonan' i Angletera", any Angletera, anglikana);
- ny Yr Eglwys yng Nghymru (amin' ny teny anglisy: Church in Wales; any Wales, anglikana);
- ny Svenska Kyrkan ("Fiangonan' i Soeda", any Soeda, loterana);
- ny Den Norske Kirke na Den Norske Kyrkja ("Fiangonan' i Nôrvezy", any Nôrvezy, loterana);
- ny Folkekirken na Den Danske Folkekirke ("Fiangonan' i Danemarka",any Danemarka, loterana);
- ny Hin Evangelíska Lúterska Kirkja (any Islandy, loterana);
- ny Suomen Evankelis-Luterilainen Kirkko (any Finlandy, loterana);
- ny Evangelische Kirche in Deutschland ("Fiangonana Evanjelika any Alemaina", any Alemaina, loterana sy nohavaozina);
- ny Methodist Church in Great Britain (any Britaina Lehibe, metôdista);
- ny Protestantse Kerk in Nederland (any Nederlandy, kalvinista sy loterana);
- ny Verenigde Protestantse Kerk in België (any Belzika, loterana sy kalvinista);
- ny Evangelisch-reformierte Kirche Schweiz (any Soisa, nohavaozina sy metôdista);
- ny Église Protestante Unie de France ("Fiangonana Prôtestanta Miray any Frantsa", any Frantsa, kalvinista sy loterana);
- ny Evangelical Lutheran Church in Canada (amin' ny teny frantsay: Église Evangélique Luthérienne au Canada; any Kanada, loterana);
- ny Anglican Church in Canada (amin' ny teny frantsay: Église Anglicane du Canada, any Kanada, anglikana);
- ny Fiangonana Katôlika Tranainy (amin' ny teny anglisy: Old Catholic Churchs, amin' ny teny frantsay: Église vieille-catholique, any Nederlandy, any Pôlônia, any Soedy, any Danmarka, any Alemaina, any Frantsa, any Soisa, any Aotrisy, any Krôatia, any Tsekia, sns, katôlika tsy manaiky ny fahefan' ny Papa);
- ny Církev Československá Husitská (any Tsekia sy any Slôvakia, hosita);
- ny Nihon Kirisuto Kyōdan ("Fiangonan' i Kristy Miray any Japana", any Japana indrindraidrindra, hetsika ara-pivavahana vaovao).