Numida meleagris

Ny Numida meleagris dia karazana akanga, ao amin' ny fianakaviana Numididae, izay karazana tokana ao amin' ny vondron-karazana Numida.

Faritra ahitana azy

Ny akanga dia vorona fahita any atsimon' i Sahara sy any Sahel hatrany Môzambika sy eto Madagasikara. Nanjary tsy fahita firy vokatry ny fihazana tafahoatra izay nitarika ho amin' ny fandringanana azy ny akanga, nanjavona tanteraka tany Afrika Avaratra ity karazan' akanga ity ary tsy hita intsony any Maghreb sy Ejipta.

Nonina tao amin' ny faritanin' i Nomidia izy taloha - izay nanome azy ny anarany - izay anisan' i Alzeria ankehitriny ary ampahany amin' i Tonizia ankehitriny, saingy vitsy dia vitsy ny firaketana vao haingana ary mety misy ifandraisany amin' ny akanga ompiana. Mety ho velona eny an-tampon' ny Atlasa andrefana any Marôka sy ny manodidina anefa izy io. Ny faritra avaratra indrindra amin' i Afrika ahitana akanga dia ny atsimon' i Tibesti any avaratr' i Tsady ary ny sasany amin' nosin' i Kapvera sasany izay nampidirana azy ireo koa.