Nosy Ve

I Nosy Ve dia nosy any amin' ny faritra atsimo-andrefana amin' i Madagasikara, telo kilômetatra sy sasany miala ny toeram-pialan-tsasatra kely amoron-dranomasina ao Anakao, any amin' ny faritra avaratry ny morontsiraka Mahafaly.

Jeôgrafia

Manana halava 4,5 km sy sakany 1,8 km. ny vatohara ao Nosy Ve. Izy io dia manohana ny nosim-pasika manana halava 1 200 m sy sakany 500 m. Ny nosim-pasika iray hafa kely kokoa dia antsoina hoe Napake.

Tantara

Toa an' i Ianantsony (na Saint-Augustin), i Nosy Ve dia nataon' ny jiolahin-tsambo fialofana, angamba tamin' ny taonjato faha-17, ary avy ataon' ny' ny mpivarotra fialofana koa. Taty aoriana dia lasa toerana nisy ny fitantanana frantsay voalohany teo amin' ny morontsiraka atsimo-andrefan' i Madagasikara io nosy iva io. Nisy mpiandraikitra frantsay niorim-ponenana tao tamin' ny taonjato faha-19 taorian' ny mpivarotra frantsay. Na dia tsy afa-nipetraka tao aza izy ireo (tsy misy ranomamy sy tsy misy hazo lehibe, lakana ihany no afaka mitody eo) dia nahita ny fahatongavan' ny mpandroba ka nisakana ny mety ho fanafihan' izy ireo ny olona izay nifidy an' i Nosy Ve. Tamin' ny taona 1895 dia nifindra hiorim-ponenana tao Toliara ireo mponina ireo.

Amin’ izao fotoana izao i Nosy Ve dia avela ho an’ ny mpanjono sy ny mpizaha tany izay afaka mitoetra eo amin’ ity nosy mahazo rivotra avy amin' ny Tsiokantimo ity mandritra ny ora vitsivitsy. Ny sisa tavela amin' ny fiorenam-ponenan' ny Frantsay teo dia tsy misy firy: dobo namboarina sy fasana vitsivitsy.

Zavamananaina

Anisan" ny toeram-piterahan' ny vorona Phaethon rubricauda i Nosy Ve. Ny zavamaniry hita ao dia alan-kazobotry sy kirihitra mahazaka haintany sy maniry amin' ny fasiky ny haran-dranomasina.

Jereo koa

Nosy ifanolanana amin' i Frantsa: Nosy Ampela (na Nosy Europa) - Nosy Bedimaky (na Bassas da India) - Nosy Kely (na Nosy Juan de Nova) - Nosy Sambatra (na Nosy Glorieuses) - Nosy Tromelin
Nosy sasantsasany: Nosy Antanimora - Nosy Be - Nosy Berafia - Nosy Boraha - Nosy Chesterfield - Nosy Faly - Nosy Fanihy - Nosy Iranja - Nosy Kalakajoro - Nosy Komba - Nosy Lava - Nosy Madame - Nosy Mangabe - Nosy Marotia - Nosy Mitsio - Nosy Nato - Nosy Piraty - Nosy Radama - Nosy Satrana - Nosy Valiha - Nosy Ve

Lisitry ny nosy eto Madagasikara
"Nosy Ve", commons.wikimedia.org

Fanovozan-kevitra

René Battistini, 1964.- L'Extrême-Sud de Madagascar, étude géomorphologique. Paris, Cujas, 637 p.
Olivier Langrand, 1981.- Nidification du Paille-en-queue à queue rouge (Phaeton rubricauda) sur le territoire malgache, Revue Française d'Ornithologie, 51 : 338-339.

Jereo koa