Mikrômetatra
Ny mikrômetatra, izay hafohezina amin' ny hoe μm, dia ventin-kalava ao amin' ny Rafitra Iraisam-Pirenena momba ny Venty, izay mira amin' ny iray ampahiray tapitrisan' ny metatra (1/1 000 000) na iray ampaharivon' ny milimetatra (1/1 000).
Ny mikrômetatra no venty mahazatra andrefesana ny halavan' ny onjan' ny taratra ambanin' ny mena sy ny haben' ny selan-javamananaina sy ny bakteria, ary ny fanasokajiana ny volonondry arakaraka savaivon' ny tsiraka. Ny savaivon' ny volon' olombelona tokana dia eo amin' ny 20 ka hatramin' ny 200 μm eo ho eo.
| Metatra | 0,000 001 | 0,000 01 | 0,000 1 | 0,001 | 0,01 | 0,1 | 1 |
| Desimetatra | 0,000 01 | 0,000 1 | 0,001 | 0,01 | 0,1 | 1 | 10 |
| Santimetatra | 0,00 01 | 0,001 | 0,01 | 0,1 | 1 | 10 | 100 |
| Milimetatra | 0,001 | 0,01 | 0,1 | 1 | 10 | 100 | 1 000 |
| Mikrômetatra | 1 | 10 | 100 | 1 000 | 10 000 | 100 000 | 1 000 000 |
Tsy ny mikrômetatra no ventin-kalava kely indrindra fa mbola ao ny nanômetatra (nm), ny pikômetatra (pm), ny femtômetatra (fm) ary ny atômetatra (am).
| Mikrômetatra | 1 |
| Nanômetatra | 1 000 |
| Pikômetatra | 1 000 000 |
| Femtômetatra | 1 000 000 000 |
| Atômetatra | 1 000 000 000 000 |