Miklos Németh

Miklós Németh

Miklós Németh (teraka ny 24 Janoary 1948 tao Monok) dia mpanao politika hongroà ary Praiminisitra Hongroà nanomboka ny 23 Novambra 1988 ka hatramin'ny 23 Mey 1990. Anisan'ny elatra reformista tao amin'ny Antoko Mpiasa Sosialista Hongroà (hongariana: Magyar Szocialista Munkáspárt, MSZMP) izy.

Teraka ho zanaky ny tantsaha kely i Németh. Nianatra toekarena izy (nahazo diplaoma tao Budapest tamin'ny 1971). Nanomboka tamin'ny 1981, niasa tao amin'ny departemantan'ny politika ara-toekarena tao amin'ny Komity Foiben'ny Antoko Mpiasa Sosialista Hongroà (MSZMP) izy, ary lasa lohany tamin'ny 1986.

Lasa Praiminisitra Hongroà i Németh tamin'ny Novambra 1988. Nandritra ny fe-potoam-piasany, dia nandray anjara tamin'ny fianjeran'ny Rido Vy izy tamin'ny fandravana, fa tsy ny fanavaozana lafo vidy, ireo fiarovana sisintany Hongroà efa rava teo amin'ny sisintany amin'i  Aotrisy, nanomboka tamin'ny Mey 1989.

Heverina ho antony nahatonga ny fianjeran'ny Rindrin'i Berlin ihany koa izany. Nandritra ny fotoana niasany, dia nohavaozina i Imre Nagy ary nambara ny Repoblika Hongroà tamin'ny 23 Oktobra 1989.

Jereo koa

• Aotrisy-Hôngria