Marantaceae

Ny Marantaceae dia fianakavian-javamaniry mamony tokan-dravin-tsimoka, ahitana karazana 400 hatramin' ny 530 nozaraina amin' ny vondron-karazana 28 hatramin' ny 30, ao amin' ny filaharana Zingiberales. Izany no mamaritra azy ho anisan' ny fianakaviana be karazana indrindra ao amin' ny filaharany. Zavamaniry ahitra na vahy, misy taranja (na rizôma) izy ireo, indraindray maniry eny ambonin' ny zavamaniry hafa (epifita). Hita any amin' ny faritra trôpikaly sy sobtrôpikaly ny karazana ao aminy, any amin' ny ala trôpikalin' ny faritra iva aty Afrika sy any Azia ary any Amerika. Hita any amin' ny faritra trôpikaly any Amerika ny ankamaroan' ny karazana (80 %), arahin' ny an' i Azia (11 %) sy ny an' i Afrika (9 %). Matetika izy ireo no antsoina hoe fianakavian'ny zavamaniry am-bavaka ary fantatra ihany koa amin'ny famelabelarana fanindroany faharoa. Anisan' io fianakaviana io ny vondron-karazana Goeppertia sy Calathea ary Maranta izay misy karazana ambolena ho haingon-trano noho ny raviny lehibe, anisany ny karazaana Maranta arundinacea (tavolovazaha na vilonala).

Lisitry ny vondron-karazana

Inty ny lisitry ny vondron-karazana ao amin' ny fianakaviana Marantaceae:

Afrocalathea
Ataenidia
Calathea
Cominsia
Ctenanthe
Donax
Halopegia
Haumania
Hylaeanthe
Hypselodelphys
Ischnosiphon
Koernickanthe
Maranta
Marantochloa
Megaphrynium
Monophrynium
Monophyllanthe
Monotagma
Myrosma
Phacelophrynium
Phrynium
Pleiostachya
Sanblasia
Saranthe
Sarcophrynium
Schumannianthus
Stachyphrynium
Stromanthe
Thalia
Thaumatococcus
Trachyphrynium