Tarika (fitsipiteny)
Ny tarika dia teny na andian-teny ao amin' ny fehezanteny izay ahitana teny fototra atao hoe "loha-tarika" sy teny na andian-teny miankina aminy mivantana na amin' ny alalan' ny mpampiankina (mpampiankin-teny na mpampiankina fehezankevitra). Ny tarika dia azo omena anarana araka ny sokajin-teny misy ilay loha-tarika ka misy noho izany ny tarika anarana, ny tarika matoanteny, ny tarika faritoetra, ny tarika mpampiankin-teny, sns raha anarana, matoanteny, mpamaritra, na mpampiankin-teny, sns ilay loha-tarika.
Ny karazana tarika[hanova | hanova ny fango]
Misy karazany maro ny terika ka ny manan-danja indrindra dia ny tarika anarana, ny tarika mpamaritra, ny tarika tambinteny, ny tarika mpampiankin-teny ary ny tarika matoanteny.
Tarika anarana[hanova | hanova ny fango]
Ny tarika foronin' ny anarana sy ny teny na tarika mameno azy no anatao hoe "tarika anarana". Ireo teny mameno azy ireo dia mety ho famenon' ny anarana na mpanoritra na mpamaritra na teny amin' ny sokajy hafa na fehezankevitra mihitsy aza.
Ohatra:
- Le petit chien blanc de mon voisin a aboyé toute la nuit.
- Le courrier électronique est probablement le service le plus utilisé par les internautes.
- À midi, nous avons mangé quelque chose de bon.
Tarika mpamaritra[hanova | hanova ny fango]
Ny tarika foronin' ny mpamaritra sy ny teny na tarika mameno azy no anatao hoe "tarika mpamaritra". Ireo teny mameno azy ireo dia mety ho famenon' ny mpamaritra na teny amin' ny sokajy hafa (tambinteny sns) na fehezankevitra.
Ohatra:
- J'ai un jardin] tout plein de roses odorantes.
Tarika tambinteny[hanova | hanova ny fango]
Ny tarika foronin' ny tambinteny sy ny teny na tarika mameno azy no anatao hoe "tarika tambinteny". Ireo teny mameno azy ireo dia mety ho famenon' ny tambinteny na tambinteny hafa na teny amin' ny sokajy hafa.
Ohatra:
- Ils ont dû payer une amende conformément à la loi.
Tarika matoanteny[hanova | hanova ny fango]
Ny tarika foronin' ny matoanteny sy ny teny na tarika mameno azy sady tsy azo foanana no anatao hoe "tarika matoanteny". Ireo teny mameno azy ireo dia mety ho famenon' ny matoanteny na tambinteny na mpamaritra na teny amin' ny sokajy hafa. Ampahatsiahivina fa ny famenon' ny matoanteny dia lazaina hoe "fameno zoina" raha ampifamalina amin' ny famenon' ny fehezanteny izay atao hoe "fameno toe-javatra".
Ohatra:
- Il a travaillé courageusement toute la fin de semaine.
Tarika mpampiankin-teny[hanova | hanova ny fango]
Ny tarika foronin' ny mpampiakin-teny sy ny teny na tarika mameno azy no anatao hoe "tarika mpampiankin-teny". Ireo teny mameno azy ireo dia mety ho famenon' ny mpampiankin-teny na teny amin' ny sokajy. Ny tarika mpampiankin-teny dia mety ho famenon'ny anarana, na famenon'ny matoanteny, na famenon' ny fehezanteny, na hafa.
Ohatra:
- Je pars à trois heures.