Fiteny indô-eorôpeanina

Fitsinjarànan'ireo fiteny indô-eorôpeana ao amin'ny tany nipoirany

Ny fiteny indô-eorôpeanina dia fianakaviam-piteny ivondronan'ny fiteny maro nipoitra any Eorôpa sy any India sy tenenina eran'izao tontolo izao. Misy 1 000 eo ny isan'ny fiteny avy amin'io fiteny io. Misy olona 3 lavitrisa no miteny amin'ny fiteny indô-eorôpeanina. Fianakaviam-piteny tenenina maneran-tany izy ireo, izay ahitana ny fiteny albaney, ny fiteny armeniana, ny vondrom-piteny balto-slava, keltika, jermanika, helenika, indô-iraniana, italika (isan'izany ireo fiteny rômana), ary vondrom-piteny maty roa, dia ny vondrom-piteny anatôliana (isan'izany ny fiteny hitita) sy ny vondrom-piteny tôkariana. Ankehitriny dia misy 6 tapitrisa ny olona miteny indô-eorôpeanina.

Fiteny Indô-eorôpeanina

Vondrona ao amin'ny fianakaviam-piteny indô-eorôpeana

Ny vondrom-piteny anatoliana

Ny vondrom-piteny anatôliana dia ahitana ireo fiteny maty notenenina tao Anatolia tamin'ny Andro Taloha toy ny fiteny hitita, fiteny lovita, fiteny palaita, fiteny lidiana, fiteny likiana, fiteny miliana, fiteny kariana, fiteny sidetika ary ny fiteny pisidiana.

Ny vondrom-piteny tôkariana

Ny vondrom-piteny tôkariana na agni-kotsy dia ahitana ireo fiteny maty telo, dia ny fiteny agneana sy ny fiteny kotseana ary ny fiteny kroraniana, izay notetenina tao amin'ny lemak'i Tarima tamin'ny taonarivo voalohany taor. J.K., ao atsimion'ny faritra mizakatenan'i Xinjiang any Sina.

Ny vondrom-piteny balto-slava

Ny vondrom-piteny balto-slava dia misampana roa, ka ahitana ireo fiteny balta sy ireo fiteny slava.

• Fiteny balta (fiteny litoaniana, fiteny letôna (na letviana), fiteny korôniana, fiteny selôniana, fiteny semigaliana, fiteny prosiana taloha, fiteny skalviana, fiteny sodôviana).
• Fiteny slava (fiteny rosiana, fiteny belarosiana, fiteny rosina (na rotena), fiteny okrainiana, fiteny tseka, fiteny slôvàka, fiteny sôraba, fiteny poloney, fiteny kasoba, fiteny pôlaba, fiteny slôvinka, fiteny silesiana, fiteny serbô-kroatiana (ahitana ny fiteny kroatiana sy ny fiteny bôsniana, ny fiteny môntenegriana ary ny fiteny serba), fiteny bolgariana, fiteny makedoniana, fiteny slôvena).

Ny vondrom-piteny keltika

Ny vondrom-piteny keltika na seltika dia misampana roa, ka ahitana ireo fiteny keltika an-tanibe sy ireo fiteny keltika a-nosy (ireo fiteny gaelika sy ireo fiteny britônika).

• Fiteny keltika an-tanibe: fiteny gaoloà, fiteny lepontika, fiteny keltibera, fiteny galatiana (na galata), fiteny norika,

• Fiteny gaelika: fiteny ekôsey, fiteny irlandey, fiteny gaelga),
• Fiteny britônika: fiteny galoà na kimrika, fiteny kornika, fiteny bretôna, fiteny kambriana ary fiteny pikta.

Ny vondrom-piteny jermanika

Ny vondrom-piteny jermanika dia misampana telo, ka ahitana ireo fiteny jermanika atsinana (fiteny maty) sy ireo fiteny jermanika avaratra ary ireo fiteny jermanika andrefana.

• Fiteny jermanika atsinanana: fiteny gôtika sy fiteny jermanika maro hafa izay tsy misy mpiteny intsony.
• Fiteny jermanika avaratra tao hoe fiteny skandinaviana: fiteny islandey, fiteny nôrveziana, fiteny ferôiana, ny fiteny danoà, ny fiteny soedoà.
• Fiteny jermanika andrefana, fiteny anglisy, ny fiteny frisôna, ny fiteny neerlandey, ny fiteny alemàna, ny fiteny afrikansa ny fiteny idisy.

Ny vondrom-piteny helenika

Ny vondrom-piteny helenika dia ahitana ny fiteny mikeniana, ny fiteny arkadiana, ny fiteny kipriôta, ny fiteny pamfiliana, ny fiteny grika taloha, ny fiteny grika kôine, ny fiteny greka vaovao, ny fiteny iôniana, ny fiteny beôtiana, ny fiteny lesbiana, ny fiteny tesaliana, ny fiteny makedôniana taloha, ny fiteny dôriana, ny fiteny eleana, ny fiteny etôliana, ny fiteny lôkriana ary ny fiteny fôkidiana.

Ny vondrom-piteny indô-iraniana

Ny vondrom-piteny indô-iraniana dia ahitana ireo fiteny iraniana sy ireo fiteny indô-ariana ary ny fiteny noristany.

• Fiteny iranika: isan'izy ireo ny fiteny avestika, ny fiteny persiana taloha, ny fiteny iraniana antenantenany, ny fiteny persana vaovao, ny fiteny pastô (ao Afghanistàna), ny fiteny korda, ny fiteny balotsy, ny fiteny skitiana, ny fiteny sarmatiana ary ny fiteny oseta.

• Fiteny indô-ariana: isan'ireo ny fiteny sanskrita, ireo fiteny prakrita, ny fiteny hindy, ny fiteny ordo, ny fiteny bengaly, ny fiteny gojaraty, ireo fiteny indiana, ny fiteny nepaly, ny fiteny singaley, ireo fiteny darda (fiteny kasmiry, fiteny romany).
• Fiteny noristany: ny fiteny askona, ny fiteny kamviry, ny fiteny katy, ny fiteny prasona, ny fiteny tregamy ary ny fiteny oaigaly.

Ny vondrom-piteny italika

Mizara ho sampana telo ny vondrom-piteny italika, dia ireo fiteny latiniana (na latino-faliska) sy ireo fiteny ôsko-ômbriana.

• Fiteny latiniana na latino-faliska, izay ahitana ny fiteny latina, ny fiteny faliska, ireo fiteny rômana (fiteny sarda, fiteny romaniana, fiteny dalmatika, fiteny italiana, fiteny espaniola, fiteny ladino, fiteny pôrtogey, fiteny frantsay, fiteny ôksitana, fiteny katalana, fiteny rômantsa, fiteny ladîna, fiteny friôlana), sns.

• Fiteny ôsko-ômbriana, izay ahitana fiteny tsy misy mampiasa intsony, dia ny fiteny ôska sy ny fiteny ômbriana ary ny fiteny maro hafa koa.

Ny fiteny albaney sy ny fiteny armeniana

Fiteny manirery ny fiteny albaney sy ny fiteny armeniana.ao amin'ny fianakaviam-piteny indô-eorôpeanina.

Jereo koa

Fianakaviam-piteny lehibe hafa

• Fianakaviam-piteny afro-aziatika na hamito-semitika
• Fianakaviam-piteny nizero-kongoley
• Fianakaviam-piteny nilo-sahariana
• Fianakaviam-piteny indo-eoropeana

• Fianakaviam-piteny altaika

• Fianakaviam-piteny oraliana
• Fianakaviam-piteny dravidiana
• Fianakaviam-piteny sino-tibetana
• Fianakaviam-piteny aostroaziatika
• Fianakaviam-piteny aostroneziana
• Fianakaviam-piteny hmong-miena
• Fianakaviam-piteny tay-kaday
• Fianakaviam-piteny japonika
• Fianakaviam-piteny na-dene
• Fianakaviam-piteny eskimo-aleota

Vondrom-pianakaviam-piteny hafa

• Vondrom-piteny koisàna;
• Vondrom-piteny kaokaziana;
• Vondrom-piteny paleo-siberiana;
• Vondrom-piteny papoa;
• Vondrom-piteny amerindiana;
• Vondrom-pitenin'ny tompontanin'i Aostralia;
• Vondrom-piteny any Andamàna.