Fiteny malagasy: Fahasamihafan'ny versiona

Avy amin'i Wikipedia
Contenu supprimé Contenu ajouté
nanala soratra voapetaka indroa
Ji-Elle (dinika | fandraisan'anjara)
+vidéo Wikitongues
Andalana faha-8: Andalana faha-8:
|mpandamina = [[Akademia Malagasy]]
|mpandamina = [[Akademia Malagasy]]
}}
}}
[[File:WIKITONGUES- Candy speaking Malagasy.webm|thumb|Fiteny malagasy]]

Ny [[fiteny malagasy|'''fiteny''' '''malagasy''']] dia [[tenim-pirenena|tenim-pirene]]n'ny Repoblikan'i Madagasikara. Ny teny malagasy dia ao amin'ny fianankavian-tenin'ny [[Fiteny barito|teny barito]] (ao amin'ny [[Fiteny aostroneziana|teny aostronezianina]]). Any [[Banjarmasin]], nosin'i [[Kalimantan]] ([[Indonezia]]) no foiben'ny fiteny barito. Ny teny akaikikaikin'ny teny malagasy ankehitriny dia ny [[Fiteny maaniany|fiteny maaniany]]. Misy koa ny [[Fiteny samihima|fiteny samihima]] sy ny [[Fiteny dosona deiaha|fiteny dosona deiaha]] sns. Ny [[fiteny malay]] izao no teny miasa eo amin'io nosy io. Araka ny antontanisan'ny [[Akademia Malagasy|Akademia malagasy]] dia ny 83,61% dia tsy miteny afatsy ny teny malagasy<ref><small>http://www.lexpressmada.com/5156/print-article-32163.html [[http://archive.wikiwix.com/cache/?url=http%3A%2F%2Fwww.lexpressmada.com%2F5156%2Fprint-article-32163.html archive]]</small></ref>.
Ny [[fiteny malagasy|'''fiteny''' '''malagasy''']] dia [[tenim-pirenena|tenim-pirene]]n'ny Repoblikan'i Madagasikara. Ny teny malagasy dia ao amin'ny fianankavian-tenin'ny [[Fiteny barito|teny barito]] (ao amin'ny [[Fiteny aostroneziana|teny aostronezianina]]). Any [[Banjarmasin]], nosin'i [[Kalimantan]] ([[Indonezia]]) no foiben'ny fiteny barito. Ny teny akaikikaikin'ny teny malagasy ankehitriny dia ny [[Fiteny maaniany|fiteny maaniany]]. Misy koa ny [[Fiteny samihima|fiteny samihima]] sy ny [[Fiteny dosona deiaha|fiteny dosona deiaha]] sns. Ny [[fiteny malay]] izao no teny miasa eo amin'io nosy io. Araka ny antontanisan'ny [[Akademia Malagasy|Akademia malagasy]] dia ny 83,61% dia tsy miteny afatsy ny teny malagasy<ref><small>http://www.lexpressmada.com/5156/print-article-32163.html [[http://archive.wikiwix.com/cache/?url=http%3A%2F%2Fwww.lexpressmada.com%2F5156%2Fprint-article-32163.html archive]]</small></ref>.



Endrik'io pejy io tamin'ny 6 Jiona 2020 à 06:54

Fiteny malagasy
Isan'ny mpiteny 20 tapitrisa (teny nibeazana)[1]
Faritany  Madagasikara,  Komaoro[2]
Sata Ofisialy any Madagasikara (miaraka amin'ny teny frantsay)
Mpandamina Akademia Malagasy
Kaodim-piteny mg, mlg[3]
Soratra latina
Fiteny malagasy

Ny fiteny malagasy dia tenim-pirenen'ny Repoblikan'i Madagasikara. Ny teny malagasy dia ao amin'ny fianankavian-tenin'ny teny barito (ao amin'ny teny aostronezianina). Any Banjarmasin, nosin'i Kalimantan (Indonezia) no foiben'ny fiteny barito. Ny teny akaikikaikin'ny teny malagasy ankehitriny dia ny fiteny maaniany. Misy koa ny fiteny samihima sy ny fiteny dosona deiaha sns. Ny fiteny malay izao no teny miasa eo amin'io nosy io. Araka ny antontanisan'ny Akademia malagasy dia ny 83,61% dia tsy miteny afatsy ny teny malagasy[4].

Tantara

Ny endriky ny teny malagasy dia tsy tahaka ireo fiteny ao Afrika satria io fiteny io dia ao amin'ny vondrona malaio-polineziana, sampan'ny vondrona aostrôneziana. Ny fiavian'ny teny malagasy dia fantatr'ireo mpandini-piteny hatry ny taonjato fahasivy ambin'ny folo. Ny teny malagasy dia mitovy vondrom-piteny barito avy amin'ny faritany atsimo atsinanan'ny Nosy Borneo. Betsaka ny fitovizan'ny teny malagasy amin'ny fiteny ma'aniany, fiteny tenenina eo amin'ny faritry ny renirano Barito, ao atsimon'i Borneo. Lazaina fa mponina aotrôneziana avy amin'ny tamba-nosy maley nandalo tany Borneo no nipetraka teto Madagasikara, na dia tsy fantatra aza ny anton'io fifindrana io. Taonjato maro taty aoriana, nifangaro tamin'ny Arabo sy ny Masombika (Afrikana avy amin'ny tontolo soahily) ny mponina aostrôneziana.

Ao amin'ny teny malagasy dia misy indran-teny avy amin'ny fiteny arabo ary koa avy amin'ny teny soahily. Ny haisoratra malagasy dia efa nanomboka tamin'ny taonjato faha sivy ambin'ny folo. Tamin'ny Frantsay tonga tao Fort-Dauphin tamin'ny taonjato faha-17, nahita sotatra tamin'ny sorabe izy ireo. Ny soratra voalohany tamin'ny abidy latina dia ny rakibolana malagasy-holandey nosoratana tamin'ny fanombohan'ny taonjato faha 17 navoakan'i Gabriel Ferrand voalohany tamin'ny 1908. Ny sorabe dia soratra mety nampidirina eto Madagasikara tamin'ny taonjato faha-15. I Radama I, mpanjaka nahay mamaky teny sy manoratra tao amin'ny Fanjakana Merina, dia nametra ny litera ampiasaina ao amin'ny abidy malagasy avy amin'ny abidy latina mbola ampiasaintsika amin'izao fotoana izao; saingy ny fitsipi-panoratana ampiasaina fotsiny no niova. Nikasa hanangana fiangonana sy trano sekoly hianarana abidy miaraka amin'ireo misionera protestanta avy ao amin'ny London Missionary Society i Radama I.

Ny boky voalohany natonta printy tamin'ny teny malagasy soratana amin'ny abidy vaovao, dia ny Baiboly, nadikan'ny misionera kristiana britanika tamin'ny taona 1835 niasa tao Imerina. Ny rakibolana vita printy voalohany dia ny rakibolana malagasy-frantsay nataon'i Étienne de Flacourt.

Fiteny sy tenim-poko any Madagasikara

Rehefa jerena amin'ny lafiny fandiniham-piteny ny teny malagasy, dia misy endri-piteny malagasy isam-paritra maromaro fa mitovitovy. Samy endriky ny fiteny malagasy izy ireo fa tsy fiteny mahaleo tena, dia ireto izany:

  • Bara,
  • Betsimisaraka atsimo,
  • Betsimisaraka avaratra,
  • Masikoro,
  • Afovoany,
  • Sakalava,
  • Tandroy-Mahafaly,
  • Tanosy,
  • Antankarana,
  • Tsimihety,
  • Bosy any Mayotte

Any Madagasikara dia misy ny malagasy ofisialy. Miasa eran'ny nosy sy ampiasain'ny gazety sy ny fahitalavitra.

Ao amin'ny vondrona atsinanan'ny zana-tsampan'ny fiteny barito ireo fiteny ireo. Any Indonezia daholo ny vahoaka miteny barito hafa, afa-tsy ny Malagasy miteny malagasy. Noho izany, dia avy any Indonezia ny teny malagasy fa tsy niforona teto Madagasikara. Tamin'ny taonjato fahefatra vao nahitana olona tao Madagasikara, kanefa tany Afrika, efajato kilometatra miala avy eo, dia efa nisy olona hatramin'ny roa tapitrisa taona lasa.

Fahasamihafan'ny teny ofisialy sy ireo tenim-paritra

Hita eo ambany ny tabilao maneho ny lanjan'isan'ny fahasamihafan'ny teny malagasy ofisialy sy ny tenim-paritra.

Lanjan'isan'ny fitoviam-boambolana amin'ny tenim-paritra
1 2 3 4 5 6 7 8 9 10 11 12 13 14 15 16 17 18
1 Merina 100 81 81 92 92 86 78 80 79 68 71 68 70 70 61 77 69 61
2 Temoro 81 100 78 79 80 78 81 88 88 67 69 71 72 69 61 76 73 65
3 Betsimisaraka 81 78 100 84 78 77 80 78 75 77 70 65 66 62 54 74 96 61
4 Sihanaka 92 79 84 100 86 81 76 79 77 72 69 67 68 66 59 72 68 58
5 Betsileo-1[m 1] 92 80 78 86 100 88 77 81 79 68 74 71 75 71 61 79 71 62
6 Betsileo-2[m 2] 86 78 77 81 88 100 77 80 77 67 71 74 79 74 66 82 75 66
7 Antambahoaka 78 81 80 76 77 77 100 74 74 69 66 64 64 60 52 67 64 56
8 Antesaka 80 88 78 79 81 80 74 100 89 67 70 71 73 72 62 76 72 63
9 Zafisoro 79 88 75 77 79 77 74 89 100 63 68 68 72 71 61 76 71 63
10 Tsimihety 68 67 77 72 68 67 69 67 63 100 75 61 64 63 54 68 64 56
11 Tankarana 71 69 70 69 74 71 66 70 68 75 100 65 68 69 59 70 67 56
12 Vezo 68 71 65 67 71 74 64 71 68 61 65 100 84 74 64 77 80 69
13 Mahafaly 70 72 66 68 75 79 64 73 72 64 68 84 100 80 68 83 86 76
14 Sakalava-1[m 3] 70 69 62 66 71 74 60 72 71 63 69 74 80 100 82 79 75 66
15 Sakalava-2[m 4] 61 61 54 59 61 66 52 62 62 54 59 64 68 82 100 70 67 63
16 Bara 77 76 74 72 79 82 68 76 76 68 70 77 83 79 70 100 85 74
17 Tandroy-1[m 5] 69 73 69 68 71 75 64 72 71 64 67 80 86 75 67 85 100 83
18 Tandroy-2[m 6] 61 65 61 58 62 66 56 63 63 56 56 69 76 66 68 74 83 100
  1. Ambositra
  2. Fianarantsoa
  3. Morondava
  4. Belon'i Tsirinbihina
  5. Masinoro, Ambalavao
  6. Antanimoro

Oha-pampitahana filôjenetika

Sorabe Malagasy
Sorabe mandraikitra ny ampahan'ny tadidy mikasika an'i Ralitavaratra. Ny sorabe no abidy nampiasaina tamin'ny fanoratana ny teny malagasy malagasy alohan'ny nampa-ofisialy ny abidy latina

Azo ampitahaina ny foto-boambolana avy amin'ny lisitra Swadesh ary izy io dia mamoaka -tsampan'ny tabilao manaraka :

Malagasy Malay-Indoneziana Tahisiana
tany tanah fenua (ind. benua = "kaontinenta")
lanitra langit ra'i
rano air (danau = "farihy") vai
afo api āuahi
lehilahy, lahy laki-laki tane
vehivavy, vaviny wanita, perempuan vahine
mihinana, homana makan 'amu
misotro (minona) minum inu
lehibe, ngeza,"be" besar rahi
kely, tity kecil iti
alina, Maizina malam po
andro, matsana hari mahana

Indran-teny

Indran-teny tamin'ny fiteny javaney sy maley

Betsaka ny indran-teny amin'ny teny malagasy nindramina tamin'ny teny vahiny. Ao ny fiteny maley ary ao koa ny fiteny javaney taloha; anisan'ireo teny ireo dia ny teny hoe trozona, iray amin'ny teny maley hoe duyung; ny horita avy amin'ny teny hoe gurita; ny fano avy amin'ny teny hoe penyu, ny hara avy amin'ny teny malay hoe karah, ny fanohara (karazan-tsokatra) avy amin'ny teny malay hoe penyu karah; rivotra avy amin'ny fiteny malay hoe ribut midika "rivomahery" na "rivodoza"; tanjona avy amin'ny fiteny malay hoe tanjung; harana avy amin'ny teny malay hoe karang; sambo sy nosy avy amin'ny fiteny javaney hoe sāmvaw sy nusa, sns.

Indran-teny avy amin'ny fiteny sanskrity

Ny indran-teny avy amin'ny teny sanskrity dia mikasina ny isa sy ny kalandrie. Azo atao ohatra izao ny teny hoe tantara avy amin'ny teny sanskrity hoe tantra midika "teôria"; torak'izany koa ny teny hoe hetsy (100 000) izay avy amin'ny teny malay hoe keti nindramina tamin'ny teny sanskrity hoe koṭi midika "folo tapitrisa".

Ireo teny avy amin'ny fiteny sanskrity moa dia nindramin'ny fiteny malagasy talohan'ny nahatongavan'ny Malagasy teto Madagasikara. Ka noho izany izy ireo dia niharan'ny fiovana ara-drafipeo, ka tsy fantatra avy hatrany intsony ny fiaviany raha tsy dinihana amin'ny alalan'ny haifiteny mampitaha (linguistique comparative). [5]

Indran-teny avy amin'ny fiteny hafa

Ankehitriny ny teny malagasy dia nindran-teny tamin'ny teny arabo (voambolana mikasika ny fanandroana), ny teny soahily (voambolana mikasika ny biby ompiana toy ny teny hoe ondry na akoho) ary tamin'ny teny frantsay sy anglisy ho an'ny voambolana mikasika ny fitaovana ampiasaina amin'izao fotoana izao toy ny solosaina azo tenenina koa hoe ordinatera na kompiotera. Ao koa ny anaran'ny karazan-java-kohanina toy ny pizza, ny makaraona sns...

Nanana ny fianjadiany ihany koa ny fiteny arabo, indrindraindrindra amin'ny voambolana ampiasaina amin'ny fanandroana ary ireo vondron-kintan'ny zôdiaka: Alahamady, Adaoro, Asorotany, sns... ; ary koa amin'ny lafiny tetiandro, amin'ny fampiasana ireo teny arabo ho fiantsoana ny anaran'andron'ny herinandro: Alatsinainy, Talata, Alarobia, sns..

Fônôlôjia

Zanapeo

Aseho anatin'ity fafana eto ambany ny zanapeon'ny fiteny malagasy.

align: center"
Aloha Afovoany Aoriana
Avo i (i, y) u (o)
Afovoany e (e)
Ambany a (a)

Renifeo

Ireto kosa ny renifeon'ny fiteny malagasy.

Bilabiale Labio-dentale Dentale Alvéolaire Vélaire Glottale
Occlusive ou affriquée Marenina p (p) t (t) t͡s (ts) k (k)
Misy feo b (b) d (d) d͡z (j) ɡ (g)
Marenina mialohan'ny orona ᵐp (mp) ⁿt (nt) ⁿt͡s (nts) ŋk (nk)
Misy feo mialohan'ny orona ᵐb (mb) ⁿd (nd) ⁿd͡z (nj) ᵑɡ (ng)
Fricative Marenina f (f) s (s) h (h)
Misy feo v (v) z (z)
An'orona m (m) n (n)
An-tsisiny l (l)
Mikodia r (r)

Fanoratana ny teny malagasy

Jereo koa  : Sorabe

Ny teny malagasy ankehitriny dia mampiasa ny abidy latina; notapahin-dRadama voalohany tamin'ny taona 1823. Ny abidin'i Radama dia mitovy rafitra amin'ny abidy ampiasaina amin'izao fotoana izao: ny isan'ny litera ampiasaina dia mbola iraika ambin'ny roapolo, fa tsindraindray itarina ho enina amby roapolo ny isan'ny litera noho izy ireo ampiasaina amin'ny teny vahiny (toy ny hoe watt).

Ireto ny litera ampiasaina amin'ny teny malagasy (ny eo anelanelan'ny fononteny dia ampiasaina amin'ny teny malagasy noho ny fampiasana azy ireo amin'ny fiteny vahiny): a, b, d, e, f, g, h, i, j, k, l, m, n, o, p, r, s, t, v, y, z.

Fivoaran'ny fanoratana ny teny malagasy

Niharan'ny fiovana ny fanoratana ny teny malagasy. Samihafa ny fanoratana ny teny malagasy tamin'ny andron'i Radama I (taona 1820-1830) ary ny fanoratana ny teny malagasy tamin'ny faram-paran'ny Fanjakan'i Madagasikara (faran'ny taonjato faha-19). Io fanoratana ny teny malagasy tamin'ny faran'ny taonjato faha-19 io koa dia samihafa amin'ny fanoratana ny teny malagasy tamin'ny fanjanahantany izay samihafa ihany koa amin'ny fanoratana ny teny malagasy amin'izao fotoana izao.

Fampiasana

Ampisain'ny mponina malagasy amin'ny alalan'ny tenim-paritra na ny tenim-pirenena ofisialy ny teny malagasy. Amin'ny lafiny ofisialy dia ny tenim-pirenena (malagasy ofisialy) no tena ampiasaina ary matetika io ihany no teny an-tsoratra. Mampiasa ny teny malagasy teny ofisialy na tenim-paritra koa ireo malagasy mipetraka any ivelan'i Madagasikara, na dia tsy maro aza ireo fianankaviana malagasy tsy mampianatra ny tenin-drazany amin'ny zanany.

Eo amin'ny aterineto indray, dia vitsy ireo tranonkala mampiasa ny teny malagasy ho fitenin'ny votoatiny. Matetika ny Malagasy dia mampiasa ny fiteny frantsay rehefa mikasika ny fampahalalana. Miampy izany koa ny safidin'ireo mpikarakara tranonkala izay misafidy ny teny frantsay ho fitenin'ny votoatiny. Araka izany dia mamaky ary matetika mifanakalo hevitra amin'ny teny frantsay ireo Malagasy eo amin'ny tranonkala.

Wikipedia sy Aterineto amin'ny teny malagasy

Tsy mampiasa ny Wikipedia amin'ny fiteny madinika ny olona noho ny boribory vetaveta. "Tsy tia hamorona votoatiny ny olona satria tsy hisy hamaky, ary tsy misy mamaky satria tsy misy votoatiny." Ohatr'ireo jordanianina manoratra amin'ny teny anglisy mba ho azon'ny olona bebe kokoa, manoratra amin'ny teny frantsay ny Malagasy mba ho azon'ny olona any ivelan'i Madagasikara. Hoy izay mpanoratra izay, raha mamorona votoatiny be kokoa amin'ny teny nibeazany ny Malagasy, dia hisy kokoa ireo votoatiny amin'ny teny malagasy ary hovaky ilay boribory vetaveta. Araka izany, amin'ny lafiny sasany, hahafahana mamorona fitaovana toa ny mpandika teny anglisy-malagasy ireo orinasa lehiben'ny tranonkala.[6]

Voambolana

Ny raki-bolana voalohan’ny teny malagasy an-tsoratra dia nosoratana tamin’ny alalan’ny sorabe. Ny rakibolana tamin’ny abidy latina voalohany dia ny Dictionnaire de la langue de Madagascar an’i Etienne de Flacourt izay natonta tamin’ny taona 1658. Taorian’izay dia navoaka ilay English-Malagasy Vocabulary. Tamin’ny 1885 dia navoakan’ny London Missionary Society ny rakibolana malagasy-anglisy izay manana 892 pejy; na izany aza dia ahitana voambolana tranainy io rakibolana io. Betsaka ny fiovana efa natao tamin’ilay rakibolana indrindra indrindra mba hitaratra bebe kokoa ny endriky ny teny malagasy ankehitriny. Araka izany ankehitriny dia ahitana rakibolana mifototra amin’ny hatetika izay miankina amin'ny firaketan-dahatsoratra ahitana teny mihoatra ny dimy tapitrisa.

  • Winterton, M. et al.: Malagasy–English, English–Malagasy Dictionary / Diksionera Malagasy–Anglisy, Anglisy–Malagasy. Raleigh, North Carolina. USA: Lulu Press 2011, 548 p.
  • Richardson: A New Malagasy–English Dictionary. Farnborough, England: Gregg Press 1967, 892 p. ISBN 0-576-11607-6 (Original edition, Antananarivo: The London Missionary Society, 1885).
  • Diksionera Malagasy–Englisy. Antananarivo: Trano Printy Loterana 1973, 103 p.
  • An Elementary English–Malagasy Dictionary. Antananarivo: Trano Printy Loterana 1969, 118 p.
  • English–Malagasy Phrase Book. Antananarivo: Editions Madprint 1973, 199 p. (Les Guides de Poche de Madagasikara.)
  • Paginton, K: English–Malagasy Vocabulary. Antananarivo: Trano Printy Loterana 1970, 192 p.
  • Bergenholtz, H. et al.: Rakibolana Malagasy–Alemana. Antananarivo: Leximal/Moers: aragon. 1991.
  • Bergenholtz, H. et al.: Rakibolana Alemana–Malagasy. Antananarivo: Tsipika/Moers: aragon. 1994.
  • Régis Rajemisa-Raolison: Rakibolana Malagasy. Fianarantsoa 1995, 1061 p.

Fitsipi-pitenenana

Ny fehezanteny amin'ny teny malagasy dia matetika manaraka ny rariteny Matoanteny-Fameno-Lazaina (MFL), (amin'ny teny anglisy: rariteny VOS). Na dia izany aza mety miovaova arakaraky ny endriky ny matoanteny ampiasaina izy io araky ny ohatra aseho eo ambany :

Rariteny MFL tsotra
  • Mandahatra ny miaramila aho.

Mampiasa endrika mivantana ny matoantenin'ny mpanao ny fehezanteny eo ambony[7],

Rariteny M(L)F
  • Alahatro ny miaramila.

Mampiasa ny matoantenin'ny atao ny fehezanteny eo ambony. Miraikitra amin'ny matoanteny ny mpanao ny asa (-ko).

Matoanteny

Ny matoanteny no fanahin'ny fiteny ary mamaritra ny tao sy hetsika ary fiainana ny matoanteny. Mamaritra ny fisiana izy, noho ny fisian'ny matoanteny misy; mamaritra ny tao izy, ohatra: "tia aho", "miasa ianareo"; mamaritra ny fiaretana izy, amin'ny alalan'ny matoantenin'ny atao: "tiana aho", "esorina ianao".[8]

Ny matoanteny dia ampiasaina amin'ny filazana, fandavana na fanambaràna zavatra izay mbola atao na efa natao: "miasa ny olona", "nomen'olona vola aho"; mibaiko, manasa na mametra-panontaniana[9].

Matoantenin'ny mpanao sy ny matoantenin'ny atao

Ny matoanteny dia azo atao anaty sokajy telo: ny matoantenin'ny mpanao sy ny matoantenin'ny atao, ary ny matoanteny tsy mitongilana. Ny matoantenin'ny mpanao dia mamaritra ny lazaina manao zavatra. Ny matoantenin'ny atao dia mamaritra ny lazaina miaritra na iharan'ny zavatra.

Ny matoantenin'ny mpanao dia:

  • lazaina fa mivantana (anglisy: direct) rehefa manaraka ny matoanteny ny lazaina: ohatra: "miteny aho"; "miasa aho", sns.
  • lazaina fa manilika (anglisy: exclusive) rehefa manaraka ny lazaina ny mpameno. Izany dia midika fa ilay lazaina ary ilay lazaina ihany no manao ilay zavatra. Ohatra: "izaho no miteny"; "Rakoto no manjono", sns.
  • lazaina fa manantitra (anglisy: emphatic) rehefa manaraka ny matoanteny ny lazaina. ohatra : "izaho miteny", "izaho misotro".

Telo no endriky ny matoantenin'ny atao.

  1. Ny voalohany dia antsoina hoe endrika tsotra, satria avy amin'ny filaza mandidin'ny fototeny izy. Ohatra: ny matoantenin'ny atao "sotroina" dia avy amin'ny filaza mandidy "sotroy" izay avy amin'ny fototeny "sotro".
  2. Ny endrika faharoa dia manana tovana mamaritra ny mpanao, na ny lazaina. Ohatra "ampianariko ny ankizy", "dioviko ny trano", sns.
  3. Ny fahatelo dia ny endrika ara-toe-javatra, satria mampiasa ny toe-javatry ny fotoana, na toerana, na fomba. Ohatra: "Tany an-trano no nisotroan'ny olona rano".

Ny matoantenin'ny atao tsotra dia manana endrika mivantana, manantitra na manilika.[10].

Ny matoanteny tsy mitongilana dia mamaritra tao izay mikasika ny mpanao ary ny mpanao ihany. Ohatra : "Velona aho"; "Mandeha ianao". Manana fiendrika manano ary fiendrika anoina ny matoanteny tsy mitongilana: "Mandeha aho" (mat. mpanao); "andehanako", "alehako" (mat. atao). Manana ny endrika mivantana, manantitra ary manilika ireo matoanteny tsy mitongilana ireo.

Sokaji-matoanteny dimy

Faharoa, azo sokajina dimy ny matoanteny malagasy :

  • Ny matoanteny mitampody (reflektiva),
  • Ny matoanteny mamari-pahafahana (anglisy: potentative verb). Ny tovona mamaritra azy io dia ny tovona maha-. Manana endrika mivantana, manantitra (emfatika) ary mandroaka ireo matoanteny ireo.
  • Ny matoanteny mamari-pivoarana (anglisy: intensive verb) dia mamaritra ny hafatratra, ny fitomboana na ny fivoaran'ny tao iray. Ny tovona mamaritra ireo matoanteny ireo dia ny tovona miha- ohatra ny anatin'i mihalava, mihafohy, mihavitsy, mihafeno, sns. Misy fiendrika manano sy ny fiendrika anoina io matoanteny io. Ao amin'ny fiendrika manano (ang.: active voice) sy amin'ny fiendrika anoina (ang. passive voice) dia ahitana ny endrika mivantana, endrika manantitra (emfatika) ary endrika mandroaka (ang.: exclusive form). Amin'ny endrika misy soloteny voatovana amin'ny matoanteny mamari-pivoarana dia ahitana ny endrika mivantana manantitra sy mandroaka.[11]
  • Ny matoanteny mampita (ang.: transitive verb) izay mamaritra ny tao ataon'ny lazaina eo amin'ny fameno. Ny tovona mamaritra ireo matoanteny ireo dia ny tovona man- (manana endrika miova arakaraky ny fototeny)
  • Ny matoanteny mifampivoho (ang.: reciprocative verb) Ao amin'io sokajy matoanteny io dia ahitana ny fiendrika manano ary ny fiendrika anoina izay samy manana ny endrika mivantana, manantitra ary mandroaka.[12]. Ny endrika mifampivoho dia manana ny fiendrika manano, ny fiendrika anoina ary ny endrika voatovana solonteny.

Amin'ny tabilao eo ambany ny tsirinteny araky ny endriky ny matoanteny avy amin'ny fototeny "latsaka".

Tsirinteny matoanteny* araky ny sokajiny
fiendrika manano fiendrika anoina
ary endrika voatovana soloteny
Reflektiva milatsaka latsahana
Mamari-pahafahana mahalatsaka ahalatsahana
Mamari-pivoarana mihalatsaka ihalatsahana
Mampita mandatsaka andatsahana
Mifampivoho mifandatsaka ifandatsahana

(*) Ny endrika ankehitriny ihany no aseho.

Zana-pizarana na fisokajiana fanampiny

Ny fizarana fanindroan'ny matoanteny malagasy dia sokajy telo: endrika mampanao (ang.: causative), endrika mampanao mifampivoho (ang.: reciprocative causative) ary endrika mampanao mamari-pahafahana (ang.: potentative causative). Ny tovon'ireo matoanteny ireo dia fitambaran'ny tovon'ny endrika mampanao amin'ny tovon'ny endrika mifampivoho na mamari-pivoarana.

Tsirintenin'ny matoanteny* mampanao[13]
fiendrika manano fiendrika anoina
na endrika voatovana soloteny
Mampitranga
reflektiva
mampilatsaka ampilatsahana
Mampitranga
mamari-pahafahana
mampahalatsaka ampahalatsahana
Mampitranga
mamari-pivoarana
mampihalatska ampihalatsahana
Mampitranga
mampita
mampandatsaka ampandatsahana
Mampitranga
mifamoivoho
mifampilatsaka ifampilatsahana

(*) Ny endrika ankehitriny ihany no aseho.

Ireo matoanteny mampanao mifampivoho dia natao hamaritana ny zavatra mampanao, na, ny zavatra ataon'ny olona na zavatra mifampivoho. Ireo matoanteny ireo dia aorina amin'ny alalan'ny fanovana ny tovona m- ho mif- amin'ny endrika mampanao ny matoanteny mivantana.

Tsirintenin'ny matoanteny mampanao* mifampivoho[14]
fiendrika manano fiendrika anoina
na endrika voatovana soloteny
mampitranga mpifampivoho
ny matoanteny reflektiva
mifampilatsaka ifampilatsahana
mampitranga mpifampivoho
ny matoanteny mamari-pahafahana
mifampahalatsaka ifampahalatsahana
mampitranga mpifampivoho
ny matoanteny mamari-pivoarana
mifampihalatsaka ifampihalatsahana
mampitranga mpifampivoho
ny matoanteny mampita
mampandatsaka ampandatsahana
mampitranga mpifampivoho
ny matoanteny mifamoivoho
mifampilatsaka ifampilatsahana

(*) Ny endrika ankehitriny ihany no aseho.

Ny endrika mampitranga fahafahana dia maneho ny fahafahana na ny fahafahana mampanao ny tao.

Tsirintenin'ny matoanteny mampanao* fahafahana[15]
fiendrika manano fiendrika anoina
na endrika voatovana soloteny
mampitranga fahafahana
ny matoanteny reflektiva
mahampampilatsaka ahampampilatsahana
mampitranga fahafahana
ny matoanteny mamari-pahafahana
mahampampahalatsaka ahampampahalatsahana
mampitranga fahafahana
ny matoanteny mamari-pivoarana
mahampampihalatsaka ahampampihalatsahana
mampitranga fahafahana
ny matoanteny mampita
mahampampandatsaka ahampampandatsahana
mampitranga fahafahana
ny matoanteny mifamoivoho
mahampampifandatsaka ahampampifandatsahana

(*) Ny endrika ankehitriny ihany no aseho.

Anarana sy mpisolo

Ny mpisolo tena amin'ny teny malagasy dia maro ary miankina amin'ny fifandraisan'ilay mpiteny amin'ilay olona itenenana ny fampiasana azy.

Tambinteny

Ny tambinteny dia teny ampiarahina amin'ny mpamaritra, ny matoanteny (mamaritra anarana na tsia) ary tambinteny hafa. Ao amin'ny teny malagasy dia ahitana karazana tambinteny telo: ny tambinteny mamaritra isa (fandaharana na fanisana); tambinteny mamaritra fotoana: ankehitriny (oh.: ankehitriny, izao ihany, anio, sns.), efa lasa (sahady, taloha, rahateo, sns.) na ho avy (oh.: hatrizay, arakizao, rahampitso, sns.); ireo tambinteny mamaritra fitsingerenana (matetika, indraindray, rahoviana, sns.); ireo tambinteny mamaritra fitsingerenana voatanisa (oh.: indray, indroa, intelo, isan'andro, isam-bolana, sns.); ireo tambinteny mamari-toerana (oh.: aloha, aoriana, dia, mandavanandro, sns.); ireo tambinteny mamaritra zava-mitranga tsy misy fiafarana (oh.: mandrakariva, mandrakizay, tsy ... intsony)[16]

Mpamari-toerana

Mpamari-toerana malagasy
Akaiky Lavidavitra Lavitra
Tambinteny Tsy hita atỳ àto ào àtsy àny aròa* arỳ
Hita etỳ èto èo ètsy èny eròa erỳ
Soloteny Tsy hita izatỳ* izàto* izào izàtsy* izàny izaròa* izarỳ*
Hita itỳ ìto ìo ìtsy ìny iròa* irỳ
Hita pl. irèto irèo irètsy irèny ireròa* irerỳ*

Fanamarihana :

  • Tsy voatery asiana tendro ny mpamari-toerana.
  • Tsy ampaisaina matetika ny mpamari-toerana misy ny *.

Jereo koa

Rohy ivelany

Boky malalaka

Tsiahy

  1. Isaina ny teny malagasy ofisialy miaraka amin'ny tenim-paritra
  2. Jereo ny [[fiteny antalaotra
  3. Lisitry ny kaody ISO 639 ho an'ny fitenim-paritra
  4. http://www.lexpressmada.com/5156/print-article-32163.html [archive]
  5. Hita ao amin'ny teny malay koa ireo indran-teny ireo. Ka anisan'ny poforon'ny fianjadian'ny teny sanskrity tamin'ny teny malagasy alohan'ny nahatongavan'ny malagasy tao Madagasikara izany zavatra izany.
  6. Ethan Zuckerman, 2013 : Rewire: Digital Cosmopolitans in the Age of Connection
  7. A Grammar of the Malagasy language nosoratan'i David Griffith, p. 106
  8. A Grammar of the Malagasy language nosoratan'i David Griffith, p. 106
  9. A Grammar of the Malagasy language nosoratan'i David Griffith, p. 106-107
  10. A Grammar of the Malagasy language nosoratan'i David Griffith, p. 109-110
  11. A Grammar of the Malagasy language nosoratan'i David Griffith, p. 116
  12. A Grammar of the Malagasy language nosoratan'i David Griffith, p. 117
  13. A Grammar of the Malagasy language nosoratan'i David Griffith, p. 119
  14. A Grammar of the Malagasy language nosoratan'i David Griffith, p. 119-120
  15. A Grammar of the Malagasy language nosoratan'i David Griffith, p. 121
  16. A Grammar of the Malagasy language nosoratan'i David Griffith, p. 190