Tantaran' i Sozana

I Sozana sy ireo antidahy, nataon'i Gerrit van Honthorst

Ny Tantaran'i Sozana na I Sozana sy ireo lahiantitra dia tantaran'ny zazavavy atao hoe Sozana, izay narahin'ny lahiantitra roa maso tamin'izy nandro, sy nasain'izy ireo handry amin'izy ireo nefa nandà izany, ka nampangain'izy roalahy ho mpijangajanga mba hamonoana azy, nefa niaro azy i Daniely ka nanaporofo ny maha tsy manan-tsiny azy. Tamin'ny farany dia ireo lahiantitra ireo no nohelohina.

Fandraisana ny Tantaran'i Sozana

Ao amin'ny Bokin'i Daniely ao amin'ny Baiboly katolika sy ireo Baiboly ortodoksa (Dan. 13) no misy azy fa tsy hita ao amin'ny Baiboly hebreo (Tanakh) sy ny Baiboly protestanta.

Ao amin'ny Baiboly jiosy amin'ny teny grika, ny Septoanjinta, dia boky manokana tsy mitambatra amin'ny Bokin'i Daniela ny Tantaran'i Sozana. Ataon'ny Katolika sy ny Ortodoksa ho isan'ireo soratra deoterokanonika io tantara io.

Ity tantara ity, izay tsy voasoratra tamin’ny fiteny hebreo na arameana fa tamin’ny fiteny grika, dia tsy noraisin’ny Jiosy any Palestina sy Protestanta ho kanonika ao amin’ny Baiboliny.

I Sozana eo anatrehan'i Daniely, sary nataon'i Sebastiano Ricci, 1725-1726 .

Fizaràn'ny Tantaran'i Sozana

• I Sozana, vehivavy nitandro ny fahamendrehany (Dan. 13.1-4)
• Raiki-pitia amin'i Sozana ny loholona jiosy roalahy (Dan. 13.5-14)
• Niampanga an'i Sozana ho ratsy fitondran-tena ireo loholona ireo (Dan. 13.15-43)
• Asehon'i Daniely fa tsy meloka i Sozana (Dan. 13.44-64)

Jereo koa:

• I Bela sy ilay Dragona
• Ny Vavak'i Azariasa sy ny Tonon-kiran'ireo Zatovolahy telo ao anaty afo