Mainty hoditra
Ny andian-teny hoe "mainty hoditra" dia ampiasaina ho fanasokajiana ara-pirazanana ny olona, matetika mifototra amin' ny mason-tsivana ara-pôlitika sy ara-bolon-koditra, ampiharina amin' ny vahoaka sasany manokana izay manana volon-koditra manja ka hatramin' ny tena mainty. Matetika any amin' ny firenena tandrefana manana rafi-panasokajiana ara-piarahamonina mifototra amin' ny firazanana dia ampiasaina hamaritana ny olona izay heverina ho manana hoditra maizina kokoa noho ny mponina hafa ny teny hoe "mainty". Matetika io andian-teny io no ampiasaina hanondroana ny olona manana razambe avy aty Afrika atsimon' i Sahara sy ny tompontany aostraliana ary ny Melaneziana, na dia nampiharina tamin' ny vondrona hafa koa aza izy io, ary na dia tsy manondro ny fifandraisana ara-pirazanana akaiky na amin' ny fomba inona na inona. Na izany aza dia tsy ny olona rehetra heverina ho "mainty hoditra" no manana hoditra mainty ary matetika manan-danja ny toetra ivelany mampiavaka fanampiny, toy ny endriky ny tarehy sy ny volo. Tsy mampiasa ny teny hoe "mainty" ho famantarana ara-pirazanana ivelan' ny fiheverana nentin' ny kolontsaina tandrefana. ny fiarahamonina afrikana.
Ny antrôpôlôga ankehitriny sy ny mpahay siansa hafa, izay manaiky ny fisian' ny fiovaovana biôlôjika eo amin' ny mponina samihafa, dia manao ny hoe "firazanana mainty hoditra" ranoray sy miavaka ho hevitra naorin' ny fiarahamonina fotsiny. Mampiasa mason-tsivana samihafa hamaritana ny hoe "mainty" ny fiarahamonina samihafa, ary niova ireo fanasokajiana nataon' ny fiarahamonina ireo rehefa nandeha ny fotoana. Any amin' ny firenena maro dia misy fiantraikany amin' ny fanasokajiana toy ny volon-koditra ny ova ara-piarahamonina, ary miovaova ny fepetra ara-tsôsialy momba ny fanondroana ny olona ho "mainty". Mihevitra ny teny hoe "mainty" ho manambany, lany andro, manamaivana na tsy afaka maneho ny tena marina ny olona sasany, ka tsy mampiasa na manome famaritana izany, indrindra any amin' ny firenena afrikana izay tsy dia nahitana fanavakavahana ara-bolon-koditra firy nataon' ny mpanjanaka.
Ao amin' ny tontolo miteny anglisy, dia mety hanana heviny isan-karazany ny teny hoe "mainty", miankina amin' ny firenena. Raha matetika ampiasaina sy ekena any Etazonia ny teny hoe "person of color" ("olona manana loko"), dia heverina ho manafintohina be ny fampiasana ny hoe "colored person" ("olona miloko"), izay manondro ny olona safiotra, afa-tsy ao Afrika Atsimo. Any amin' ny faritra hafa toa an' i Aostralazia dia nampiasa ny teny hoe "mainty" hanondroana ny vahoaka tompontany ny mpanjanaka. Noheverina ho tena manafintohina tany Aostralia io teny io tamin' ny taompolo 1960 sy 1970. Amin' ny ankapobeny dia tsy nampiasaina ho anarana ny teny hoe "mainty", fa ho mpamari-toetra manampy teny hafa. Rehefa nandroso ny fanafoanana ny fanavakavahana taorian' ny fitsapan-kevi-bahoaka izay natao tamin' ny taona 1967, dia nandray ilay teny ny Abôrijinina sasany any Aostralia, izay nanaraka ny fomba amerikana, saingy mbola manahirana ihany ny fampiasana izany.