Maimbobe

Ny maimbobe dia zavamaniry isan-karazany, anisan' izany ireto tanisaina manaraka ireto:

ny paraky (Nicotiana tabacum, fianakaviana Solanaceae): maniry manodidina ny toeram-ponenana sy manana ravina madinika sy matevina, any amin' ny faritra misy ny Merina;
ny Datura metel sy ny Datura fastuosa (fianakaviana Solanaceae): zavamaniry fahita eny amin' ny tany lao, misy poizina noho ny fisian' ny alkalôida skôpôlaminina.

ny Crassocephalum rubens (atao hoe koa anadrambo, anandrambo, anandrambolahy, betranomay, fitangosana, tranobemay, valahiaka) sy ny Crassocephalum sarcobasis (atao hoe koa anadrambo, anandrambolahy) (fianakaviana Asteraceae): ny fitanehana azy ireo dia itsaboana ny aretin-kibo sy ny fisian' ny rivotra anaty kibo;
ny Cassia occidentalis na Senna occidentalis (fianakaviana Fabaceae): endasina toy ny voan-kafe ny voany ka ampiasaina mba hanamboarana zaba-pisotro.