Loharanon-karena voajanahary
Ny loharanon-karena voajanahary, amin' ny ankapobeny, dia akora, zavamananaina, toerana na zavatra misy eo amin' ny natiora, tsy misy nataon' olombelona, ary amin' ny ankamaroan' ny tranga, ampiasaina hanomezana fahafaham-po ny filana (angovo, sakafo, sns.) ho an' ny olombelona, ny biby na ny zavamaniry.
Izany dia mety ho:
- akora mineraly fanodina: ranomamy, angom-poti-bato, akora metaly, sns.);
- vokatra avy amin' ny zavamananana dia (oh: hazo, trondro, haza, sns.);
- tontolo iainana voajanahary, loharanon' ny tolotra ara-tontolo iainana (oh : rano, rivotra, tany, ala, honahonam-pompotra, faritra mando, sns.);
- akora ôrganika fôsily (toy ny solika, ny arintany, etona voajanahary, ny linita na fompotra, sns.);
- loharanon' angovo (angovon' ny masoandro, angovon' ny rivotra, sns.);
- ary amin' ny heviny mitatra, ny tolotry ny tontolo iainana (famokarana ôksizenina avy amin' ny fôtôsentezy, ohatra).
Ny toetra marefo, ny tsy fahampian' ny fisiana na ny hakelin' ny fahafahana manavao ny loharanon-karena sasany dia mampiavaka ny loharanon-karena tsy azo havaozina (ohatra ny solika), mifanohitra amin' ny loharanon-karena azo havaozina (ohatra ny biômasy) izay tsy tsy midka hoe mety ritra. Satria mitombo tsy azo ihodivirana ny isan' ny mponina eran' izao tontolo izao sy ny traika ekôlôjikan' ny olombelona, dia lasa olana lehibe ny fitantanana ny loharanon-karena voajanahary.
Araka ny tombatombana amin' izao fotoana izao dia vinavinaina hiakatra 110 % ny fampiasana ny loharanon-karena voajanahary amin' ny taona 2050, ka mihena 10% mahery ny ala sy toeram-ponenanan-javamananaina hafa toy ny sahalava manodidina ny 20 %. Azo tsapan-tanana ny voka-dratsin' ny fiovan' ny toetany, hiakatra 43 % ny famoahana etona mampihiboka hafanana.