Literatiora am-bava (kolontsaina malagasy)

Ny literatiora am-bava, eo amin' ny kolontsaina malagasy, dia zavakanto vita amin' ny teny izay tsy noraiketina an-tsoratra tamin' ny voalohany sy nolovaina avy amin' ny Ntaolo malagasy ary nampitampitaina am-bava tamin' ny alalan' ny fitantarana sady mbola misy mamorona hatramin' izao.

Famaritana

Ny literatiora am-bava dia lahateny na lahabolana, nampiasain' ny Ntaolo fahiny, mba nanehoany ny heviny, ny fihetseham-pony,...talohan'ny nahatongavan'ny soratra. Literatiora tononina sy tanisaina fotsiny ny literatiora am-bava. Miampitampita amin'ny alalan'ny lovantsofina ny fomba fitantarana indrindra fa ny soatoavin'ny fiarahamonina sy ny literatiora, izany hoe amin' ny alalan' ny vava no ampiasana azy.

Ny literatiora izany dia zavakanto nolovaina tamin' ny Ntaolo izay natao hampitana hafatra sy hoentina mananatra ka natao amin' ny alalan' ny vava ^[1]. Samy manana ny mampiavaka azy ny faritra maro teto Madagasikara ka nisongadina tamin'izany ireto: angano, ankamantatra, kabary, ankifidy, hainteny, sôva, tôkatôka, jijy, beko, takahontsy, sokela,...^[2]

Mpandray anjara amin'ny literatiora am-bava

Ny mandray anjara amin'ny literatiora am-bava dia ny mpitantara, ny mpihaino, ny mpikabary, ny mpanao hainteny ary ny mpihira. Tsy literatiora ny literatiora am-bava raha toa ka tsy misy mpihaino sy mpandray anjara mivantana (mpitantara, mpikabary, ...)^[3].

Karazany

Misy karazany roa ny literatiora am-bava, dia ny lahabolana sy ny lahateny.

Lahabolana

Misy sokajy roa ny lahabolana, dia ny lahabolona mirindra izay ahitana ny sôva, ny tôkatôka, ny jijy, ny beko, ny horija, sns, sy ny lahabolana tsotra izay misy ny angano, ny ankamantatra, ny ohabolana, ny ankifidy, sns.

Lahateny

Ireto manaraka ireto no lahateny: ny kabary sy ny hainteny^[4]. Amin' ireo karazany ireo ihany koa dia misy ny natao hanabeazana sy hampitana vaovao sy soatoavina ^[5]

Fiavahan' ny literatiora am-bava

Ny literatiora am-bava dia miavaka noho izy:

tsy manavaka sokajin'olona na saranga;
iarahan'ny rehetra manatontosa, na mivantana na an-kolaka,
foronina eo no ho eo,
tsy misy tompony.

Tara-kevitra hita ao amin'ny literatiora am-bava

Anisan' ny tara-kevitra hita ao amin' ny literatiora am-bava ireto tanisaina manaraka ireto:

fifankatiavana,
fihavanana,
fanentanana hamokatra,
fikaloana na fandokoana ny zavaboary.

Toetran'ny literatiora am-bava

Tso-po ny fampitana ny literatiora am-bava izay ampitaina amin'ny alalan'ny fitantarana sy sarin-teny samihafa mampitolagaga sy milantolanto ary mapientana ny mpihaino.^[6]

Anjara toeran'ny literatiora am-bava

Manana ny anjara toerany ny literatiora am-bava noho izy natao:

hampitana vaovao;
hampitana hafatra;
hitahirizana tantara sy kolo-tsaina;
ho fialam-boly. ^[7]

Rohy ivelany

Loharano

↑ https://plateforme.education.mg/bibliotheque-numerique/course/index.php?categoryid=65&utm_source=chatgpt.com
↑ https://fr.scribd.com/document/528893667/Programme-2nde
↑ https://books.openbookpublishers.com/10.11647/obp.0034.pdf?utm_source=chatgpt.com
↑ https://www.studocu.com/row/document/universite-dantananarivo/cours-physiologie/ny-literatiora-malagasy/108946291
↑ literatioara aminy ankampobeny
↑ https://fr.scribd.com/document/587298280/Malagasy-2nd?utm_source=chatgpt.com
↑ https://www.scribd.com/document/747910307/Lit-Literatiora-am-bava?utm_source=chatgpt.com

Jereo koa

[1] ttps://plateforme.education.mg/bibliotheque-numerique/course/index.php?categoryid=65&utm_source=chatgpt.com

[2] ttps://fr.scribd.com/document/528893667/Programme-2nde

[3] ttps://books.openbookpublishers.com/10.11647/obp.0034.pdf?utm_source=chatgpt.com

[4] ttps://www.studocu.com/row/document/universite-dantananarivo/cours-physiologie/ny-literatiora-malagasy/108946291

[5] teratioara aminy ankampobeny

[:0-6] ttps://fr.scribd.com/document/587298280/Malagasy-2nd?utm_source=chatgpt.com

[7] ttps://www.scribd.com/document/747910307/Lit-Literatiora-am-bava?utm_source=chatgpt.com

[1]

[2]

[3]

[4]

[5]

[6]

[7]