Lantanina
Ny lantanina na lantanôma dia metaly dia singa simika aseho amin' ny alalan' ny eva La sy manana laharana atômika 57 ary manana lanja isam-bentin-kadiry 6,15 mg/sm3. Ao amin' ny vondron' ny lantanida sady anisan' ny metaly mavesatra ao amin' ny tany hamatra izy io. Amin' ny mari-pana anaty efitrano izy dia somary makitroka, miendrika metaly volon-davenona manopy volon-bolafotsy, azo volavolaina, azo roritina ho lavay, malemy ka azo tapahina amin' ny antsy. Mihaharafesina ao amin' ny rivotra sy ny rano izy io.
Fampiasana azy
[hanova | hanova ny fango]- Vato brike: vita amin' ny mismetaly izay fifangaroan-tany hamatra: 55 % eo ho eo ny seriôma, 20 % ny lantanôma, 15 % ny neôdima, 5 % ny praseôdima, 1 % ny samariôma sy itriôma.
- Fitehirizana hidirôzenina: ny tsama lantanina-nikela (LaNi5) amin' ny endrika vory dia mifoka hidirôzenina 400 heny ny hadiriny.
- Mpandrisikoto ho an' ny môtera mandeha lasantsy: ny LaPbMnO3 ampiharina amin' ny ôksidan' ny lantanina dia mpandrisikoto tsara, mitsitsy kokoa noho ny volamahery (na platinina) sy ny paladiôma ampiasaina amin' izao fotoana izao.
- fitaratra ôptika: ny fanampiana ny fabgaron' ny lantanina, ôksida-na latanina (La2O3) na karibônetra-na latanina La2(CO3)3, mampitombo ny tahan' taratra sy mampihena ny fiparitahan' ny hazavana samihafa loko.
- Fampiasana hafa. Toy ny tany hamatra hafa dia ampiasaina amin' ny fanamboarana tsama andriamby, fangaro mampita aratra avo lenta, ho singa mpandrafira ny fôsfôro ao amin' ny tioban-dahiniba, ampiasaina amin' ny kristaly amin' ny fanamboarana lazera, ary ampiasaina amin' ny fanamboarana akora famantarana iadiana amin' ny hosoka.