Lalomena malagasy
Ny lalomena malagasy dia teny ampiasaina hilazana karazana lalomena zeny telo (Hippopotamus lemerlei Grandidier 2024; Hippopotamus madagascariensis Guldberg 1883; ary Hippopotamus laloumena Faure sy Guerin 1990) izay niara-niaina teto Madagasikara tamin' ny fari-potoana iray ihany. Ireo karazana telo miavaka ireo dia toa nanjavona teto Madagasikara tany amin' ny taonjato faha-10 taorian' ny fanjanahan' ny olombelona ity nosy ity.
Ny Hippopotamus madagascariensis
[hanova | hanova ny fango]
Ny Hippopotamus madagascariensis dia mitovitovy habe amin' ny lalomena pigmea (nefa mbola lehibe kokoa) ary nanana fomba fiaina an-tanety mitovy amin' ny an' io, mipetraka any amin' ny alan' ny faritra avo eto Madagasikara fa tsy amin' ny renirano. Ity karazana ity dia heverina fa nanjavona latsaky ny 500 taona lasa izay.
Ny Hippopotamus lemerlei
[hanova | hanova ny fango]Mifanohitra amin' izany kosa ny Hippopotamus lemerlei izay hita matetika indrindra tany amin' ny lemaka atsimo-andrefan' ny Nosy, ka itarika amin' ny fiheverana fa aleony niaina tanaty renirano, toy ny Hippopotamus amphibius, izay mitovitovy aminy ao Afrika ankehitriny.
Ny Hippopotamus laloumena
[hanova | hanova ny fango]Ny karazana fahatelo, Hippopotamus laloumena, dia tsy fantatra afa-tsy amin' ny alalan' ny valanorano ambany ary taolan-tongotra sasany azo avy amin' ny toerana akaikin' i Mananjary any amin' ny morontsiraka atsinanan' i Madagasikara. Lehibe noho ireo roa teo aloha izy io ary mitovy amin' ny Hippopotamus amphibius.
Ireo karazana rehetra ireo dia ekena amin' ny ankapobeny ho anisan' ny vondron-karazana Hippopotamus ary efa nandalo dingan' ny liobvana ho zeny. Ankoatra ny Hippopotamus madagascariensis izay, araka ny filazan' ny mpanoratra sasany, dia anisan' ny karazana Choeropsis miaraka amin' ny lalomena pigmea na Choeropsis liberiensis (naverina tao amin' io sokajy io tamin' ny taona 2021) na ao amin' ny sokajy Hexaprotodon koa miaraka amin' ny lalomena pigmea. Mbola misy ny adihevitra momba ny fanasokajiana marina ireo biby ireo.
Jereo koa
[hanova | hanova ny fango]- Lalomena pigmea (Choeropsis liberiensis na Hexaprotodon liberiensis)