Kirihitra
Ao amin' ny bôtanika, ny kirihitra dia zavamaniry manana nofo toy ny an' ny hazo, latsaky ny 4 na 6 na 10 metatra ny haavony, izay misampana avy hatrany eo am-potony ary tsy misy vatany, izay mampiavaka azy amin' ny hazobotry izay misy vatany sady eo anelanelan' ny efatra sy fito metatra ny haavony. Tsy sahala amin' ny zavamaniry ahitra ny kirihitra izay manana rantsana maharitra mipoitra avy hatrany eo ambonin' ny tany. Ny kirihitra dia mety ho mihintsan-dravina na manana ravina maitso lalandava. Misy koa ny kirihitra madinika, izay latsaky ny 50 santimetatra na 2 metatra ny haavony. Vondrona bôtanika maro no ahitana karazana izay kirihitra, ary ny hafa izay hazo sy zavamaniry ahitra.