Jatropha multifida
Ny Jatropha multifida dia karazana zavamaniry mamony, ao amin' ny fianakaviana Euphorbiaceae. Izy io dia hazobotry any Amerika trôpikaly (hatrany Meksika ka hatrany Brezila) sy any Karaiba.
Zavamanirin-jaridaina izy io, izay nampidirina tany Florida, sy tany amin' ny toerana maro any Amerika Atsimo, aty Afrika, any amin' ny Zana-kôntinanta Indiana, any Sina ary any Azia Atsimo Atsinanana.
Misy poizina kely izy io ary miteraka fahasahiranana eo amin' ny fahasalaman' ny vavony sy ny tsinay ny fihinanana azy.
Fanoritsoritana
[hanova | hanova ny fango]
Ity hazobotry ity, izay manana sampana vitsy, dia mahatratra haavo 2 ka hatramin' ny 4 m. Izy io dia manana ravina maitso antitra lehibe, izay entina tangozan-dravina saika mitovy halava amin' ny ravina. Mizarazara toa tongo-ganagana (mizara 9 ka hatramin' ny 11), manana savaivo mirefy 15-30 sm, ny raviny. Izy ireo dia feno na mipoitra ary lava amin' ny tendrony. Mavo ny vatan' ilay zavamaniry ary mena ny voniny. Mirefy 4 hatramin' ny 7 mm ny felamboniny. Mipetaka eny an-tendron-drantsana toa fehezam-boninkazo misy tongony lava ny vondrom-boniny. Mavo, misy nofony, manana hodiny mafy, tsy azo hanina, misy vihy lehibe roa na telo ny voany.
Jereo koa
[hanova | hanova ny fango]- Tatratra (Jatropha mahafalensis)
- Savoa (Jatropha curcas)