Homo

Ny Homo dia ny vondron-karazana ahitana ny Homo sapiens (olombelona) sy ny karazana mifanakaiky aminy, ao amin' ny fianakaviana Hominidae. Nipoitra tamin' ny vanim-potoan' ny Pliôsena na tany am-piandohan' ny Pleistôsena izy io, arakaraka ny fomba nametrahan' ny paleôantrôpôlôga ny fôsily tranainy indrindra. Nandritra ny 2,5 tapitrisa taona teo ho eo, ny vondron-karazana Homo dia namokatra karazana maro, noho ny fiparitahany ara-jeôgrafia tany am-boalohany nanerana ny Tontolo Taloha sy ny fivoarany tany amin' ny toeram-ponenana ekôlôjika isan-karazany.

Efa lany tamingana izao ny karazana ao amin' ny vondron-karazana Homo rehetra, afa-tsy ny Homo sapiens. Ny Homo floresiensis, ny Homo luzonensis, ny Homo longi, ary ny Homo neanderthalensis, izay karazana farany mifandray akaiky aminy, dia nanjavona teo anelanelan' ny 50 000 sy 30 000 taona lasa izay.

Fanasokajiana

Fanasokajiana ivelany

Toerana misy ny *Homo* ao amin' ny Hominoidea

Izao ny filaharana sy ny fianakaviana sns misy ny vondron-karazana Homo:

Primates
- Haplorrhini
  - Simiiformes (rajako)
    - Catarrhini (rajakon' ny Tontolo Taloha)
      - Hominoidea (rajako lehibe na rajako tsy misy rambo)
        Hominidae
        Homininae
        Hominini
        Hominina
        Homo -

Fanasokajiana anatiny

Ny vondron-karazana Homo dia ahitana karazana izay efa lany tamingana avokoa, afa-tsy ny karazana Homo sapiens. Inty ny lisitra araka abidin' ireo karazana ireo:

Homo antecessor
Homo longi
Homo erectus
Homo ergaster
Homo floresiensis
Homo gautengensis
Homo georgicus
Homo habilis

Homo heidelbergensis
Homo luzonensis
Homo naledi
Homo neanderthalensis
Homo rhodesiensis
Homo rudolfensis
Homo sapiens (olombelona)

Jereo koa

Rajako