Hippopotamus amphibius
,_parque_nacional_de_Chobe,_Botsuana,_2018-07-28,_DD_82.jpg)
Ny lalomena mahazatra na hipôpôtama mahazatra dia karazana biby mampinono izay sady miaina an-dranomamy no miaina an-tanety ao Afrika atsimon' i Sahara ary iray amin' ny karazana roa farany mbola misy ao amin' ny fianakaviana Hippopotamidae, ny iray hafa dia ny lalomena pigmea (Choeropsis liberiensis na Hexaprotodon liberiensis). Hippopotamus amphibius ny anarany ara-tsiansa.
Ny lalomena mahazatra dia fantatra amin' ny vatany miendrika barîka, ny vavany izay afaka mivoha midanadana mba hampisehoany ny vanginy lehibe, ny vatany tsy misy volo, ny rantsam-batany toy ny andry ary ny vatany maventy; ny lahy efa lehibe dia milanja 1 500 kg eo ho eo ary ny vavy lehibe 1 300 kg, ary misy santionany mahatratra 4,5 taonina, ka mahatonga azy io ho anisan' ny karazam-biby mampinono an-tanety lehibe indrindra, mitovy amin' ny tokantandroka fotsy fa ao aorian' ny karazan' elefanta telo.
Manodidina ny 1,5 m eo ho eo ny haavony eo amin' ny malazo ary mahatratra 5,2 m ny halavany. Na dia eo aza ny bika aman' endriny sy ny rantsambatana fohy, dia voalaza fa mahavita mihazakazaka 30 km / h amin' ny halavirana fohy izy.