Hankany amin'ny vontoatiny

Tabernaemontana coffeoides

Avy amin'i Wikipedia
(tonga teto avy amin'ny Hazunta)

Ny Tabernaemontana coffeoides dia karazana zavamaniry mamony ao amin' ny fianakaviana Apocynaceae. Hazobotry na hazo madinika manana haavo 10 m sy savaivo 20 sm izy io. Misy felambony fotsy ny voniny mamerovero. Maniry eny amin' ny dongom-pasika na eny amin' ny vatolampy any amin' ny ala maina sy ny alan-kirihitra na hivoka manomboka amin' ny haabon' ny ranomasina ka hatramin' ny haabo 1 300 m.

Amin' ny fitsaboana nentim-paharazana dia ampiasaina izy mba hampihenana ny lanja sy hiadiana amin' ny havizanana. Teratany ao Kômôro sy eto Madagasikara ny Tabernaemontana coffeoides. Be alkalôida indôlika izay mahaliana amin' ny farmakôlôjia izy io.

Anarana ara-tsiansa

[hanova | hanova ny fango]

Indreto ny anaran' ny Tabernaemontana coffeoides teo loha izay noheverpna ho karazana samy hafa:

  • Hazunta costata Markgr.
  • Hazunta membranacea (A.DC.) Pichon
  • Hazunta modesta (Baker) Pichon
  • Hazunta silicicola Pichon.

Ny Hazunta dia antokon-javamaniry taloha ao amin' ny fianakaviana Apocynaceae, ankehitriny dia nampidirina ao anatin' ny karazana Tabernaemontana coffeoides izay rehetra noheverina ho karazana ao aminy.

Anarana malagasy

[hanova | hanova ny fango]

Amin' ny teny malagasy izy io dia atao hoe andembavifotsy, andrambafohy, andriambavifohy, bekapangaka, faika, fananjake, feka, fekabe, fekandronono, feky, fotsiavadika, hazompika, hazompiky, hazonta, hazontaha, indriambavifotsy, katso, laka, mamalifolahina, mamalifolahy, maniola, repolahy, sodihazo, somorombohitse, tapolahy, tekabe, tsimanotra, tsingevika, ary tsipepolahy.

Jereo koa

[hanova | hanova ny fango]