Hay (fahavoazana)
Ny hay na may na fahamaizana dia fahasimbana, na amin' ny ampahany na tanteraka, izay mety hisy fiantraikany amin' ny hoditra, amin' ny faritra malefaka amin' ny tambatsela, na amin' ny taolana mihitsy aza, vokatry ny fandoroana sy ny fanimbana hafa. Miankina amin' ny lafin-javatra maro ny hamafin' ny fahamaizana: ny faritra misy azy amin' ny tena, ny endriny, ny halaliny, ny velaran' ny faritra simba (refesina amin' ny isan-jaton' ny velaran' ny tena manontolo), ary ny zavatra niteraka azy.
Ny fahamaizana dia mety hateraky ny fifampikasihana amin' ny zavatra mafana (vainga, ranoka, na etona), fifandraisana amin' ny akora simika manimba hoditra (akora kaostika), ny fikasohana, ny fandoroana (asan' ny lelafo), ny fipariahan' ny taratra (main' ny masoandro: taratra ankoatra ny volomparasy B, ambanin' ny mena, na taratra X), ny herinaratra, na ny hatsiaka (ohatra: fahasimban' ny hoditra noho ny hatsiaka be).