Hainkintana

Avy amin'i Wikipedia
Sauter à la navigation Sauter à la recherche
Ny Rahon-kintana Omega

Ny hainkintana dia siansan'ny voajanahary mikasika ny fandinihana ny kintana, izay mitady ny hamaritra ny fihaviany, ny fivoarany ary ny tondrony ara-pizika ary ara-tsimika. Fito arivo taona lasa izay ny taranjan’ny hainkintana no fantatry ny olombelona; amin’ny alalan’ny tao ara-pinoana ny taona nialoha ny Tantara, ka noho izany dia anisan’ny taranja siantifika antitra indrindra izy.

Ireo mpahay kintan'ny taona taloha izay namela lova ara-materialy amintsika dia ny Ejipsianina sy ny Nobianina (mponina mipetraka ao atsimon'i Ejipta) ary ny sivilizasiônan'i Stonehenge, any andrefan'i Angletera amin'izao fotoana izao. Nanana fomba fandinihana ny lanitra maizina ireo sivilizasiôna taloha toy ny Babilaonianina, ny Grika, ny Sinoa, ny Indianina, ny Iranianina ary ny Maya. Na dia izany aza, nilaina ny famoronana ny masolavitra hahafahan'ny hainkintana mivoatra amin'ny siansa ankehitriny. Tamin'ny taloha, ny hairefikintana (astrometria), ny familian-tsambo amin'ny alalan'ny kintana, ny hainkintana mandinika, ny fanaovana tetiandro ary ny fanandroana, ankehitriny anefa ny hainkintana matihanina dia matetika ampiarahana amin'ny fizikan-kintana (na astrofizika).

Mbola betsaka ny fandraisan'anjaran'ireo mpahay kintana tsy manao azy amin'ny fomba matihanina (amatora) amin'ny fahitam-baovao ara-kainkintana amin'izao fotoana izao, ary anisan'ny taranja mbola manome anjara an'ireo mpahainkintana tsy manao azy amin'ny fomra matihanina ny hainkintana.[1]

Rohy ivelany[hanova | hanova ny fango]

Tsiahy[hanova | hanova ny fango]

  1. Unsöld, Albrecht; Baschek, Bodo; Brewer, W.D. (translator) (2001). The New Cosmos: An Introduction to Astronomy and Astrophysics. Berlin, New York: Springer. ISBN 3-540-67877-8.