Gymnosporia commiphoroides

Ny Gymnosporia commiphoroides dia karazana zavamaniry nofariparitan' i Henri Perrier de la Bâthie, ao amin' ny fianakaviana Celastraceae. Atao amin' ny teny malagasy hoe rointsokina ity zavamaniry ity. Eto Madagasikara no ahitana azy io. Ny Barleria prionitis subsp. madagascariensis koa anefa dia ataon' ny Malagasy hoe rointsokina. Karazana hazobotry na hazo madinika misy tsilo ny Gymnosporia commiphoroides, tsy hita raha tsy eto Madagasikara. Maniry indrindra any amin' ny ala maina sy any amin' ny hivoka ary amin' ny morontsiraka izy io, izay mahazaka tsara ny tany mahantra sy maina.

Matetika misy tsilo ny sampany. Tsotra sy mifandimby na somary mifanohitra ny raviny, ary amin' ny ankapobeny henjana. Manopy maitso na fotsy ny voniny. Kapsiola ny voany izay misokatra rehefa matoy ka mamoaka vihim-boany izay matetika voahodidin' ny nofony miloko volomboasary na mena izay manintona ny vorna mpanaparitaka azy ireo.

Ho an' ny tontolo iainana dia manana anjara toerana amin' ny fanamafisana ny tany sy manome loharan-tsakafo sy fialofana ho an' ny biby ny Gymnosporia commiphoroides. Tahaka ny zavamaniry hafa ao amin' ny vondron-karazana Gymnosporia, dia mifanaraka amin' ny tontolo mikorontana izy ary afaka manampy amin' ny fanavaozana ny zavamaniry.

Jereo koa

• Roy
• Roimemy
• Roimbazaha
• Roipitika
• Roibontsy
• Roifantaka
• Roimainty
• Roimena
• Rointsokina
• Roipitaka

Rohy ivelany

• "Gymnosporia commiphoroides", identify.plantnet.org