Gregoriosy avy any Nisa

Avy amin'i Wikipedia
(tonga teto avy amin'ny Grégoire de Nysse)
Sauter à la navigation Sauter à la recherche
Gregoriosy avy any Nisa
Gregory of Nyssa.jpg
Ankapobeny
Anarana Gregoriosy avy any Nisa
Teraka taona 335
Maty taona 395
Fiaviana sy ny andraikitra
Asa : Tsy fantatra
Fiainana manokana

I Gregoriosy avy any Nisa dia teolojiana sy mistika malaza, evekan'i Nisa tao Kapadokia sady Rain'ny Fiangonana na Aban'ny Eglizy izay niady tamin'ny arianisma tamin'ny fampandrosoana ny teolojian'ny Trinite sy ny tenim-pinoanana momba ny Fahatongavan'i Kristy ho nofo. Teraka tao Neokaisaria (Niksar ankehitriny ao Torkia) tao amin'ny faritanin'i Ponto-Eoksina (Ranomasina Mainty) tamin'ny taona 335 ary maty tamin'ny taona 395 izy.

Teolojiany[hanova | hanova ny fango]

I Gregoriosy avy any Nisa dia iray amin'ireo teolojiana kapadokiana ngezalahy sady mpanorina ny lova teolojikan'ny fiangonana tatsinanana, niaraka amin'i Gregoriosy avy any Nazianzosy sy ny rahalahiny Basiliosy avy any Kaisaria.

Nisy fiantraikany tamin'ny asa soratr'i Denisy Aeropagita, izay atao hoe Pseodo-Denisy, sy tamin'ny teolojia mistika latina tamin'ny Andro Antenantenany manontolo ny fisainana teoljikany.

I Gregoriosy avy any Nisa dia teolojianan'ny Trinite sy ny Fahatongavan'i Kristy ho nofo izay niharan'ny filozofia neoplatonisianan'i Plotinosy, ka namelatra antropolojia miorina amin'ny faniriana sy ny fihetsika tsy manam-petran'ny fanahin'olombelona mankany amin'Andriamanitra.

Amin'ireo asa soratra teolojika nataony dia azo resahina ny Fanoherana an'i Eonomio, izay fiarovana ny Fiekem-pinona nikeana izay manohitra ireo tsangan-kevitr'i Eonomio, izay maneho ny arianisma, ny Katedraly Lehibe, izay fiarovana ny finoana kristiana amin'ny Jiosy sy ny Jentilisa, ary ny Firindran-levitra folo, izay nosoratany hanoherana ny apolinarisma izay nilaza fa tsy tena olombelona i Kristy. Nanoratra ny Fiderana ny maha virjiny koa izy tamin'ny taona 371, ho an'ny anabaviny Makrina, izay monka vavy.

Vao tsy ela akory izay no nahafantarana ireo asa sorany, indrindra noho ny fikarohan'ny pretra zezoita sady kardinaly no akademisiana frantsay Jean Daniélou, sy noho ny fanangonana ny lahatsoratry ny Rain'ny Fiangonana.

Jereo koa[hanova | hanova ny fango]

Rohy ivelany[hanova | hanova ny fango]

  • Ao amin'i Freebase: [1]
Nuvola apps ksig.png
Mbola ambangovangony ity lahatsoratra ity ary tokony hofenoina.

Azonao atao ny mandray anjara eto amin'ny Wikipedia amin'ny alàlan'ny fanitarana azy.
Jereo koa ny pejy Ahoana ny manao takelaka rehefa te-hijery hoe ahoana no fanaovana azy.