Gossypium

Ny Gossypium dia vondron-karazan-javamaniry ao amin' ny fianakaviana Malvaceae, zana-pianakaviana Malvoideae, izay ahitana ny landihazo. Misy karazana maniry ho azy efa ho dimampolo ao anatin' io vondrona io. Izy ireo dia zavamaniry ahitra maniry isan-taona na mihoatra ny iray taona na koa kirihitra. Amin' ireo karazana ireo, ny efatra no niandohan' ova karazana ambolena amin' izao fotoana izao ho an' ny famokarana vohavoha landihazo: ny Gossypium arboreum, ny Gossypium barbadense, ny Gossypium herbaceum ary ny Gossypium hirsutum.

Famariparitana

Ny Gossypium dia mamondrona zavamaniry izay amin' ny ankapobeny kirihitra, ary mahalana ny hazo madinika. Ny tahony dia matetika misampantsampana, indraindray somary minofon-kazo eo amin' ny fotony, ary rakotra volo. Amin' ny karazana ambolena, ny zavamaniry dia mety hahatratra haavo 1 ka hatramin' ny 3 m, fa ny karazana maniry hoazy kosa dia mampiseho endrika miovaova kokoa.

Ravina

Mifandimby sy misy tangozany ny raviny izay mazàna miendrika felan-tanana (3 ka hatramin' ny 7 ny sofin-dravina) sy miendrika fo eo amin' ny fotony. Mety misy na tsy misy volo ny lafiny ambony na ambany. Misongadina tsara ny kirany, misandrahaka avy amin' ny teboka fipoiran' ny tangozan-dravina.

Vony

Mandeha tokana ny voniny izay mipoitra eo am-pototry ny tangozan-dravina sady lehibe sy mampiavaka ilay vodrona. Entina tangozany sy voahodidin' ny vondrona ravina telo niova anjara asa (brakte) izy ireo. Kely dia kely ny vondron-dravimbony, fa ny vondrom-pelambony kosa dia manana felany dimy tsy mikambana, amin' ny ankapobeny mavo na manopy fotsy, matetika misy marika volomparasy eo amin' ny fotony. Mitambatra ho fantsona ny fototry ny lahimbony marobe izay manodidina ny tahom-bavimbony, toetra fahita ao amin' ny fianakaviana Malvaceae.

Voa

Kapsiola miendrika atody ny voany, izay misokatra amin' ny fahamasahany. Misy vihim-boa maro be voahodidin' ny volo lava tokan-tsela ny ao anatiny: ireo no tsiraka landihazo, avy amin' ny hoditry ny vihim-boa.

Tsinjara toerana

Ireo zavamaniry ireo, izay teratany any amin' ny faritra sobtrôpika sy trôpikaly, dia mamokatra kapsiola misy vihim-boa be volo. Avy any Azia ny Gossypium arboreum sy ny Gossypium herbaceum. Ny Gossypium barbadense dia heverina fa avy any Però, raha toa kosa ny Gossypium hirsutum dia heverina fa avy any Amerika Afovoany. Efa ho 5 000 taona izao no nambolena ireo zavamaniry ireo.

Lisitry ny karazana

Misy karazana efa ho 50 ao anatin' ny antoko Gossypium.

Gossypium anomalum Wawra & Peyr.
Gossypium arboreum L.
Gossypium areysianum Deflers
Gossypium aridum (Rose & Standl.) Skovst.
Gossypium australe F.Muell
Gossypium barbadense L.
Gossypium benadirense Mattei
Gossypium bickii (F.M.Bailey) Prokh.
Gossypium bricchettii (Ulbr.) Vollesen
Gossypium californicum Mauer
Gossypium contextum O.F.Cook & J.W.Hubb.
Gossypium costulatum Tod.
Gossypium cunninghamii Tod.
Gossypium darwinii G.Watt
Gossypium dicladum O.F.Cook & J.W.Hubb.
Gossypium ekmanianum Wittm.
Gossypium enthyle Fryxell, Craven & J.M.Stewart
Gossypium evertum O.F.Cook & J.W.Hubb.
Gossypium exiguum Fryxell, Craven & J.M.Stewart
Gossypium gossypioides (Ulbr.) Standl.
Gossypium harknessii Brandegee
Gossypium herbaceum L.
Gossypium hirsutum L. -- hasinkitoke
Gossypium hypadenum O.F.Cook & J.W.Hubb.
Gossypium incanum (O.Schwartz) Hillc.
Gossypium irenaeum Lewton
Gossypium klotzschianum Andersson
Gossypium lapideum
Gossypium laxum L.Ll.Phillips
Gossypium lobatum Gentry
Gossypium londonderriense Fryxell, Craven & J.M.Stewart
Gossypium longicalyx J.B.Hutch. &B.J.S.Lee
Gossypium marchantii Fryxell, Craven & J.M.Stewart
Gossypium morrilli O.F.Cook & J.W.Hubb.
Gossypium mustelinum Miers ex G.Watt
Gossypium nelsonii Fryxell
Gossypium nobile Fryxell, Craven & J.M.Stewart
Gossypium patens O.F.Cook & J.W.Hubb.
Gossypium pilosum Fryxell
Gossypium populifolium (Benth.) F.Muell. ex Tod.
Gossypium pulchellum (C.A.Gardner) Fryxell
Gossypium raimondii Ulbr.
Gossypium robinsonii F.Muell.
Gossypium rotundifolium Fryxell, Craven & J.M.Stewart
Gossypium schwendimanii Fryxell & S.D.Koch
Gossypium somalense (Gürke) J.B.Hutch., Silow & S.G.Stephens
Gossypium stocksii Mast.
Gossypium sturtianum J. H. Willis
Gossypium sturtianum J.H.Willis
Gossypium thespesioides (R.Br. ex Benth.) F.Muell.
Gossypium thuberi Todaro
Gossypium thurberi Todaro
Gossypium timorense Prokh.
Gossypium tomentosum Nutt ex Seem
Gossypium tomentosum Nutt. ex Seem.
Gossypium tormentosum Nuttall
Gossypium tridens O.F.Cook & J.W.Hubb.
Gossypium trifurcatum Vollesen
Gossypium trilobum (Sessé & Moç. ex DC.) Skovst.
Gossypium triphyllum (Haw.) Hochr.
Gossypium turneri Fryxell
Gossypium vollesenii Fryxell

Karazana misy eto Madagasikara

Eto Madagasikara, ny Gossypium (landihazo) dia miseho amin' ny alalan' ny karazana maromaro, izay indrindraindrindra nampidirina ka lasa maniry hoazy na natokana ho an' ny fambolena.

Gossypium arboreum L. -- foly, hasibe, hasina, hasy, landihazo, tsiahilika
Gossypium barbadense L. -- hasina
Gossypium brevilanatum (na Gossypioides brevilanatum) -- hasikitika, hasy, sarihasy
Gossypium herbaceum L.
Gossypium hirsutum L.

Jereo koa

Gossypioides