Fitomboan' ny toekarena

Ny fitomboan' ny toekarena dia ny fiovana miabo eo amin' ny famokarana entana sy serivisy ao amin' ny toekarena iray mandritra ny fe-potoana iray, matetika maharitra. Amin' ny fampiharana, ny fanondroana ampiasaina indrindra handrefesana izany dia ny harin-karena faobe. Refesina “amin' ny hadiry" na "amin' ny vidy tsy miova" ny fitomboan' ny toekarena mba hanitsiana ny vokatry ny fisondrotry ny vidim-piainana. Ny taham-pitomboana dia ny taham-piovan' ny harin-karena faobe. Matetika no ampiasaina ny fitomboan' ny harin-karena faobe isan' olona ho fanondroana ny fitomboan' ny harenan' ny olona tsirairay, izay ampitovina amin' ny fari-piainana (izay tsy mitovy amin' ny kalitaon' ny fiainana).