Fitehirizana Vola Ifampisamborana

Ny Fitehirizana Vola Ifampisamborana na FIVOY, izay fantatra koa amin' ny hoe Mutuelle du Mandrare, dia orinasa mpampiasa vola ifanampiana, fitahirizana sy fampisamboram-bola voalohany eny ifotony, iarahan' ny mpikambana mitantana, niasa natomboka tamin' ny volana Mey 2004 teo amin' ny faritr' i Mandrare Ambony (Tsivory, faritra Anosy) sy any Androy, sady misy fampiofanana sy fampandrosoana ara-tsôsialy sy ara-toekarena, hanamafisana ny fahaleovantenan' ny mponina ambanivohitra any atsimon' i Madagasikara, ao anatin' ny tetikasa Projet de mise en valeur du haut bassin du Mandrare (PHBM), nahazo famatsiam-bola, indrinra avy amin' ny Fonds international de développement agricole (FIDA). Izany dia mikendry ny hanome sehatra azo antoka ho an' ny fitahirizana sy findramam-bola ho an' ny mponina any ambanivohitra, tsy misy fanavakavahana^[1].

Fananganana

Fahaterahany

Niorina tamin' ny taona 2004–2005 tany amin' ny faritra Mandrare (kaominian' i Tsivory sy ny manodidina), ilay fikambanana tamin' ny anarana hoe "Caisses FIVOY" (Fitehirizana Vola Ifampisamborana) izay natsangana taoa amin' ny sehatry ny Projet de mise en valeur du haut bassin du Mandrare (na PHBM), tetikasam-pampandrosoana, izay novatsian' ny Fonds international de développement agricole (FIDA) ary nampiharina sady notohanan' ny fikambanana Internationale du crédit agricole et rural (ICAR)^[1]^[2]^[3]^[4]^[5].

Fananganana ny Mutuelle du Mandrare

Tamin' ny Jona 2005, nanangana ny Mutuelle du Mandrare ny mpikambana ao amin' ny FIVOY, izay tamin' ny voalohany natokana ho an' ny fitahiriazana sy fampindramam-bola tamin' ny voalohany, avy eo dia niova ho orinasa mpampiasa vola ifanampiana (frantsay: institution de microfinance mutualiste)^[1]. Ny kesy (caisse villageoise) voalohany dia natomboka tamin' ny May 2004, narahin' ny fananganana ôfisialy ny FIVOY tamin' ny Jona 2005^[1]^[2]^[3]^[4]^[5].

Ny fampandrosoana an' ilay fikambanana dia notohanan' ny Internationale du crédit agricole et rural (ICAR) nanomboka tamin' ny taona 2004, avy eo notohanan' ny Institution financière régionale de l'Anosy (IFRA) tamin' ny taona 2007–2008^[1].

Tanjona sy sehatra ary faritra isany

Tanjona sy tolotra

Natsangana mba hanohanana ny mponina any ambanivohitra, indrindraindrindra no atolotra azy^[2]^[4]^[5]:

fanetsehana ny fitahirizam-bola eny ifotony;
fanomeana fampindramam-bola ho an' ny tantsaha (hampiroboroboana fiompiana sy ny fambolena) sy ho an' ny mpandraharaha madinika;
fanohanana ara-teknika sy fitarihana, amin' ny alalan' ny Institution financière régionale de l’Anosy (IFRA) (nanomboka tamin' ny 2007), hanomezana torohevitra ara-bola sy fanofanana ary fanamafisana ny fomba fiasa^[1]^[4].

Sehatra iasana

Ankoatra ny fitantanam-bola, miasa amina sehatra maromaro koa ny FIVOY^[1]^[4]:

fampandrosoana ara-toekarena: fambolena, fiompiana, fandrariana, fanamboarana trano fitehirizam-bokatra;
fotodrafitrasa ara-tsôsialy eny ifotony: fampisakafoanana ny ankizy eny an-sekoly, trano famakiam-boky, fantsakana, famatsian-drano;
fahasalamana sy fanentanana: sakafo, fahadiovana, fahasalaman' ny reny sy ny zaza, fisorohana ny vohoka aloha loatra (fanentanana eny an-tanàna).

Faritra ahitana azy

Ny fitahirizam-bola FIVOY, izay nanomboka niasa tamin' ny kaominina sivy manodidina an' i Tsivory, dia niparitaka tsikelikely manerana ny faritra Anosy sy ny faritra Androy^[1]^[6]. Amin' izao fotoana izao, ilay fikambanna (mutuelle) dia manana toeram-pitahirizam-bola ifotony (caisses FIVOY) manodidina ny 26, mizara ho vondrona efatra miasa: Tolagnaro (an-tampon-tanàna sy any ambanivohitra) sy Mandrare Ambony (Haut Mandrare) ary Androy^[1]^[4].