Ficus religiosa

Ny Ficus religiosa dia karazana hazo ao amin' ny vondron-karazana Ficus, ao amin' ny fianakaviana Moraceae. Izy io dia hazo masina amin' ny hindoisma sy amin' ny bodisma. Amin' ny teny malagasy izy dia atao hoe aviavinkaràna.

Famariparitana

Hazo lehibe izay mahatratra haavo 30 m ny Ficus religiosa. Manana savaivo mety mahatratra 3 m ny vatany.

Raviny

Maitso lalandava ny raviny miendrika fo, manana tendrony lava amantarana azy. Manana halava 10 hatramin' ny 17 sm sy sakany 8 hatramin' ny 12 sm ireo ravina ireo, miaraka amin' ny tangozan-dravina 6 hatramin' ny 10 sm.

Voany

Mirefy 1 hatramin' ny 1,5 sm ny savaivon' ny voany izay mivadika volomparasy rehefa masaka. Anisan' ny "aviavy mpanakenda" ny Ficus religiosa.

Faritra ahitana azy betsaka

Hita any amin' ny firenena ireto ny Ficus religiosa: India, any Bangladesy, any Nepaly, any Pakistana, any Srilanka, any amin' ny faritra atsimo-andrefana amin' i Sina ary any Indôsina.

Ny Ficus religiosa tranainy indrindra eran-tany dia angamba hazo iray nentina avy any amin' ny faritra avaratr' i India ho any Srilanka tamin' ny taona 288 tal JK ary izay mbola velona tamin' ny taona 1852, ka niana 2 147 taona izany.

Fampiasana

Ny Ficus religiosa dia ampiasaina amin' ny fitsaboana ao amin' ny Ayurveda.

Jereo koa

Aviavy
Ficus