Fanjakan' i Menarandra

Ny Fanjakan' i Menarandra dia fanjakana tany amin' ny ilany atsimo-andrefan' i Madagasikara, nanodidina ny moron' ny ony Menarandra, izay mamakivaky ny faritanin' ny Mahafaly sy Antandroy. Naorin' ny mpifindra monina avy any Afrika Atsinanana tamin' ny taonjato faha-16 izy io. Iray amin' ny fanjakana tao amin' ny faritra misy ny Mahafaly io fanjakana io talohan' ny fanjanahantany izay nandrafitra ny fiarahamonina malagasy talohan' ny fanjanahan-tany frantsay. Ireo fanjakana ireo dia nisy tao amin' ilay faritra nisy ny Mahafaly tamin' ny taonjato faha-18, niaraka tamin' ny Fanjakan' i Sakatovo sy ny Fanjakan' i Onilahy ary ny Fanjakan' i Linta, izy io. Nandroso ilay fanjakana noho ny varotra nifanaovany tamin’ ny fanjakana hafa teto Madagasikara sy tamin' ny mpivarotra eorôpeana.

Fiavian' ilay anarana

Nahazo io anarany io avy amin' ny anarana jeôgrafika manondro ny ony Menarandra izay mamakivaky ny faritaniny ny Fanjakan' i Menarandra sady mivarina any amin' ny Ranomasimbe Indiana. Nomena ny anaran' ilay ony io fanjakana io noho ny maha zava-dehibe an' i Menarandra ao amin' ilay faritra, na ara-toekarena na ara-kolontsaina.

Tantara

Ny Fanjakan' i Menarandra naorin' ny mpifindra monina avy any Afrika Atsinanana tamin' ny taonjato faha-16 izy io. I Andriamandembarivo, araka ny lovantsofina, angamba tamin' ny taonjato faha-17, no mpanjaka nanorina azy. Iray amin' ny fanjakana dimy lehibe tao amin' ny faritra mahafaly izy io, niaraka tamin' ny Fanjakan' i Linta, Fanjakan' i Onilahy, Fanjakan' i Sakatovo ary Fanjakan' i Falonaombe. Ao amin' ny tapany atsimo amin' ny faritra mahafaly no misy azy. Ny renivohitr' ity fanjakana ity dia i Firanga.

Toy ny fanjakana tatsimo hafa, i Menarandra dia tsy maintsy niatrika fandrahonana maro: tao ny fanafihan' ny Sakalava, izay nitady hanitarana ny fahefany, ny disadisa amin’ ny fanjakana hafa manodidina, toa ny an' ny Antanosy sy ny an' ny Bara, ny fanoherana ny fananiham-bohitry ny Merina tamin' ny taonjato faha-19, izay nikatsaka ny hampiray an' i Madagasikara ho eo ambany fanapahany nandritra ny fitondran-dRadama I sy ny mpandimby azy

Tamin' ny fanjanahan' ny Frantsay tamin' ny taona 1896, ny Fanjakan' i Menarandra, tahaka ny fanjakana malagasy hafa rehetra, dia tafiditra tao anatin' ny fitondrana mpanjanaka. Matetika no notazonina ho mpanelanelana ny lehibem-poko sy ny tarana-mpanjaka saingy nihena tsikelikely ny fahefan' izy ireo teo anatrehan’ ny fitondrana frantsay.

Indreto ny mpanjaka nifandimby nanjaka tao:

• Andriamandembarivo (1680-1700)
• Tsimamandy (1700-1760 )
• Itrimo (1760-1800)
• Bahary (1800-1830)
• Tsiampody (1830-1860)

Kolontsaina

Mahafaly sy Antandroy ny ankamaroan' ny mponin' i Menarandra, olona nalaza noho ny fanoherana ny mpanani-bohitra sy noho ny firaiketam-po amin' ny fombafomba fandevenana mahatalanjona, toy ny fasana voahaingo sy ny aloalo.

Nisy fiantraikany tamin' ny kolontsaina tao amin' ny Fanjakan' i Menarandra ny kolontsaina afrikana sy ny kolontsaina tao amin' ny fanjakana malagasy hafa. Nalaza tamin' ny asa tanana ny vahoakan' ilay fanjakana, anisan’ izany ny fanaovana sokitra sy ny fandrariana. Nahafantarana azy ireo koa ny mozika sy dihy nentin-drazana.

Toekarena

Nifototra tamin’ ny fiompiana sy ny fambolena ary ny varotra ny toekaren’ ny MenarandraNifanakalozana tamin’ ny vahoaka hafa teto Madagasikara sy tamin’ ny mpivarotra vahiny (Arabo, Eorôpeana), indrindra ny fanondranana biby fiompy sy vokatry ny asa tanana. Ny omby dia fananana tena ilaina sy famantarana ara-piarahamonina. Na dia eo aza ny toetany maina dia ny katsaka sy ny mangahazo ary ny ampemby no tena nambolena. Nandroso ity fanjakana ity noho ny varotra nifanaovany tamin' ny fanjakana hafa teto Madagasikara sy tamin' ny mpivarotra arabo sy eorôpeana. Ny biby fiompy (omby sns) sy ny katsaka no tena naondrana.

Lova

Namela lova lehibe teto Madagasikara ny Fanjakan' i Menarandra. Amin' izao fotoana izao dia mbola renirano manan-danja any amin' ny faritra atsimon' i Madagasikara i Menarandra, ary ny fahatsiarovana ny fanjakana tao aminy fahiny dia mbola mitoetra ao amin' ny lovantsofina am-bava sy ny tantara taloha. Mbola velona any amin' ny faritra ny fomba ara-kolontsaina, indrindra fa ny fandevenana. Nisy fiantraikany teo amin' ny kolontsaina malagasy ny kolontsain' ilay fanjakana ary mbola reharehan' ny mponina any amin' ny faritra mahafaly ny tantarany.

Jereo koa

• Mahafaly
• Fanjakan' i Linta
• Fanjakan' i Sakatovo
• Fanjakan' i Onilahy
• Fanjakan' i Falonaombe

Fanovozan-kevitra

• Ade Ajayi, Jacob Festus (1998). General history of Africa: Africa in the nineteenth century until the 1880s. Paris: UNESCO. ISBN 9780520067011.
• Alain Bernard, Essai sur la transition de la société Mahafaly vers les rapports marchands, Éditions de l'Office de la recherche scientifique et technique outre-mer, Paris, 1978, 405 p. (ISBN 2-7099-0506-X) (texte remanié d’une thèse soutenue à l’Université de Paris 10 en 1976)
• Campbell, Gwyn (2012). David Griffiths and the Missionary "History of Madagascar". Leiden, the Netherlands: Brill. ISBN 978-90-04-20980-0.
• Clément Séverin Charles, Les Mahafale de l’Onilahy : des clans au royaume, du 16e siècle à la conquête coloniale, Université de Paris 1, 1986, 588 p. (thèse de 3^e cycle)
• Condra, Jill (2013). Encyclopedia of National Dress: Traditional Clothing Around the World. Los Angeles: ABC Clio. ISBN 978-0-313-37637-5.
• Diagram Group (2013). Encyclopedia of African Peoples. San Francisco, CA: Routledge. ISBN 9781135963415.
• Eggert, Karl (1981). "Who are the Mahafaly? Cultural and social misidentification in southwestern Madagascar". Omaly sy anio: Hier et aujourd'hui Archived Aprily 24, 2021 at the Wayback Machine (PDF). 13–14. Antananarivo: Université de Madagascar, Département d'histoire. pp. 149–176.
• Gennep, A.V. (1904). Tabou Et Totémisme à Madagascar. Paris: Ernest Leroux. ISBN 978-5-87839-721-6.
• Jeffrey C. Kaufmann, "Faly aux vazaha : Eugǹe Bastard, taboo, and Mahafale Autarky in southwest Madagascar, 1899", in History in Africa (New Brunswick, NJ), 26, 1999, p. 129-155
• LeHoullier, Sara (August 2010). Madagascar (Travel Companion). Other Places Publishing. ISBN 978-0-9822619-5-8.
• Lotte Schomerus-Gernböck, Die Mahafaly : eine ethnische Gruppe im Süd-Westen Madagaskars, D. Reimer, Berlin, 1981, 232 p. (ISBN 3-496-00184-4)
• Nicole Boulfroy, "L'art funéraire des Mahafale (sud-Ouest de Madagascar)", in Anthropologie de l'art : formes et significations : arts de l'Afrique, de l'Amerique et du Pacifique, ORSTOM, Paris, 1988, p. 30-38
• Ogot, Bethwell A. (1992). Africa from the Sixteenth to the Eighteenth Century. Paris: UNESCO. ISBN 9789231017117.
• René Battistini, Géographie humaine de la plaine côtière mahafaly, Éditions Cujas, 1964, 197 p. (thèse complémentaire)
• Shoup, John A. (17 October 2011). Ethnic Groups of Africa and the Middle East: An Encyclopedia. ABC-CLIO. ISBN 978-1-59884-363-7.
• Various (2003). International Encyclopedia of Linguistics Vol. 1. Oxford University Press. ISBN 978-0-19-513977-8.