Fampandrosoana ara-toekarena sy ara-piarahamonina
Ny fampandrosoana ara-toekarena sy ara-piarahamonina dia fiovana tsara maro ara-teknika, ara-demôgrafia, ara-piarahamonina ary ara-pahasalamana izay mety hiainan' ny toerana iray (izao tontolo izao, kôntinenta, firenena, faritra). Tsy tokony afangaro amin' ny fitomboan' ny toekarena ny fampandrosoana ara-toekarena sy ara-piarahamonina. Matetika izany dia ilaina amin' ny fampandrosoana na manarakaraka azy, nefa lafiny iray amin' ny fampandrosoana ihany izy io.
Mitaky indrindra ny famoronana harena ny fampandrosoana ara-toekarena, ka mifandray amin' ny "fandrosoana", satria amin' ny ankapobeny dia mitarika ho amin' ny fitomboan' ny fari-piainan' ny mponina izany. Ny faniriana hampifanaraka ny fampandrosoana ara-toekarena tsotra sy ny fandrosoana na ny fanatsarana ny fiahiana dia nitarika ny famoronana, miaraka amin' ny tondrom-pampandrosoana nentim-paharazana (harin-karena faoba, harin-karem-pirenena), ny tondro hafa, toy ny tondroam-pampandrosoana ny maha-olona, izay iheverana ny fahasalamana, ny fanabeazana, ny fanajana ny zon' olombelona (anisany ny zo ara-toekarena sy ara-tsôsialy nanomboka tamin' ny 1966). Omena ao amin' ny lahatsoratra "Firenena an-dalam-pandrosoana" ny mari-pamantarana ara-toekarena sy ara-tsôsialy amin' ny fandrefesana ny fampandrosoana.